1 Corintios 13:12 - Manitanati Tuparrü

¹² Caüma chütusiopü nurria oemo. Tacanarrtü basacatü auqui nirrpecurrü, arrüna champürrtü urria nurria. Pero ñana besüratai nubasata ümoti Tuparrü, tacana arrüna nacarrtiatoe. Caüma chusuputacatipü nurria Tuparrü. Pero ñana usuputacati nurria, tacana ito arrti isuputarati oñü nurria.

Manityanati Tupax

¹² Kaɨma chɨkontopɨ basarai chɨtusiupityo nuxia oemo. Ta uiñatai ñana esati basarati. Axɨna ipiaka kaɨma ta chɨbesɨropɨ nuxia, iñatai ñana axɨmanu nanenes auche isuputarati Tupax takanati isuputaratiñɨ nantax.

1 Corintios 13:12 交叉參考

San Mateo 18:10

Nantito Jesús: —Tapü chücuasürüpüma aume bama masiomanca icocoromañü. Arrübama angelerrü bacuirara itacuma, nantarrtai aboma esati Tuparrü au napese.

San Mateo 5:8

‛Urriampae naca bama urria ñapensacarrüma, itopiqui asaramati Tuparrü ñana.

San Juan 10:15

Tacane ito isuputacati naqui Iyaü y arrti isuputaratiñü. Arrüñü itorrimiata nisüboriqui yutacu nobirramanca.

Romanos 8:18

Caüma ane nutaquisürücü icu na cürrü. Pero tusio nurria iñemo, contoatai tacürusu numaquionco iyo, arrtü uiñatai au manu nanentacarrti Tuparrü champü tacanache.

1 Corintios 13:11

Arrüñü, numo yaürrüñünqui rranitaca y ñapensaca y ñonquisio tacanati taman ñaüma. Pero caüma ñoñünrrüñü. Chauqui tiñocoquio manio niñapensaca tacanati ñaüma. Ñapensaca caüma tacanati ñoñünrrü.

1 Corintios 8:3

Pero arrtü cuasürüti Tuparrü oemo, arrti caüma isuputarati oñü nurria.

2 Corintios 3:18

Así que usaca tacanarrtü chürruburriopü nusu, tacanarrtü cuara nanentacarrti Tuparrü usu. Ui arrüna sane masamuña campiabo nusaca tacana nacarrti, y tusio ito au nosüboriqui arrüna nanentacarrti Tuparrü. Nanaiña arrüna sane pasabo uiti Espíritu Santo, naqui esaquiti Cristo.

2 Corintios 5:7

Caüma chüpuerurrüpü sumasarati Señor, solamenterrü puerurrü sopicocoroti.

Filipenses 3:12

Champürrtü sucanañü que chauqui tiyebo sobi arrüna urriampae nisüboriqui y champüqui nomünantü sobi. Pero iñata nurria aübu narucurrü iñemo, nauqui aye sobi ñana tacana nacarrti Cristo, itopiqui sane nirrancarrti saübuñü.

Santiago 1:23

Arrti naqui ñoñünrrü oncoiti nurarrti Tuparrü, pero chisamutentipü isiu, anati tacana naqui asaratitü ümo nisurrti au nirrpecurü.

1 Juan 3:2

Masaruquitaiqui, bama cuasürü iñemo, chauqui taütorrti Tuparrü oñü auna icu na cürrü. Chütusiopü oemo causane nusaca au cuantio naneneca. Pero chauqui tütusio oemo, arrtü cuati tato ñana, iyebo osoi tacana nacarrti, y puerurrü basarati nurria.

Apocalipsis 22:4

Acamanu arrtaimia nurria nisurrti y ane nürirrti corobo icutama.