Zozye 7:12 - Labib An Kreol Seselwa

¹² Pour sa rezon, Izrael pou nepli kapab fer fas avek son bann lennmi. Zot pou taye devan zot lennmi, akoz zot osi, zot pou ganny detri! Mon pou nepli avek zot, si zot pa fer disparet parmi zot, sa bann lobze ki ti devre ganny detri.

Zozye 7:12 交叉參考

Ezai 59:2

Me plito ou bann fot ki'n separ ou avek ou Bondye; ou bann pese ki'n fer li kasyet son figir e ki'n anpes li antann ou.

Ziz 2:14

SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Nonm 14:45

Alor, bann Amalesit ek bann Kananeen ki ti pe reste dan sa bann montanny ti atak zot. Zot ti ganny bate e ganny masakre. Zot ti sov ziska Horma.

Zozye 6:18

Selman, fer atansyon zot pa pran nanryen ki devre ganny detri pour SENYER. Si zot fer sa, maler ek destriksyon pou tonm lo kan Izrael.

Deterononm 7:26

Pa anmenn okenn lobze degoutan dan ou lakaz, sankwa ou pou ganny detri ansanm avek zot. Ou devre deteste sa bann lobze, akoz fodre zot ganny detri.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Zeremi 23:33

SENYER ti dir mwan: Zeremi! Si mon pep oubyen en profet, oubyen en pret i demann ou: Ki mesaz sorti kot SENYER? Ki responsabilite i pe met lo nou? Ou ava reponn li: Ou menm ki en fardo pour SENYER! I pou rezet ou, SENYER i deklare.

Zeremi 6:8

Pep Zerizalenm! Aksepte koreksyon. Sankwa, mon pou abandonn ou; mon pou fer ou vin parey en dezer, an landrwa kot personn pa pou kapab reste.

Proverb 28:1

En malfeter i sove san ki personn pa pourswiv li; me sa enn ki zis i annan otan konfyans ki en lyon.

Ziz 2:4

Apre ki mesaze SENYER ti'n dir sa bann parol avek tou bann Izraelit, lepep ti kriye e sanglote plere.

Nonm 14:39

Kan Moiz ti anons sa avek pep Izraelit antye, zot ti tonm dan en gran dezolasyon.

Ziz 16:20

Dalila ti dir li, “Sanmson! Bann Filisten pe vin atak ou.” I ti leve dan son sonmey. I ti dir, “Mon pou sape parey lezot fwa.” I pa ti konnen ki SENYER ti nepli avek li.

1 Samyel 14:38

Alor Sail ti dir avek bann sef lepep, “Apros isi! Ozordi, zot pou war ki pese in ganny fer ozordi.

Psonm 44:10

Ou fer nou rekile devan lennmi e zot in depouy nou, mannyer zot oule.

Psonm 60:10

Mon Bondye! Pa ou'n rezet nou? Mon Bondye! Ou nepli sorti pour konbat avek nou larme.

Nonm 14:42

Pa bezwen monte, akoz SENYER pa avek zot. Pa les zot ganny bate par zot bann lennmi.

Nonm 14:43

La bann Amalesit ek bann Kananeen i devan zot. Zot pou ganny masakre akoz zot in abandonn SENYER. SENYER pa pou avek zot.”