Zozye 5:13 - Labib An Kreol Seselwa

¹³ En zour, pandan ki Zozye ti Zeriko, i ti lev lizye e i ti war en zonm debout devan li, son lepe dan son lanmen. Zozye ti mars dan son direksyon. I ti dir li, “Eski ou pour nou, oubyen pour nou lennmi?”

Zozye 5:13 交叉參考

Nonm 22:23

Bourik ti war lanz SENYER debout lo semen avek en lepe dan son lanmen. Alor, i ti kit semen pour al dan laplenn. Balaanm ti bat son bourik pour fer li retourn lo semen.

Zenez 18:2

I ti lev lizye e i ti war trwa zonm pe debout devan li. Kan i ti war zot, i ti kit son latant e taye pour al zwenn zot e prosternen ziska ater.

Nonm 22:31

SENYER ti ouver lizye Balaanm. I ti war lanz SENYER debout dan semen avek son lepe dan lanmen. I ti prosternen lafas ater.

1 Kronik 21:30

Me David pa ti kapab al prezant li laba pour envok Bondye, akoz i ti per lepe mesaze SENYER.

Danyel 10:5

Mon ti lev mon lizye e mon ti war en zonm abiye dan lenz linenn, avek en sentir annor pir otour son leren.

Egzod 23:23

Mon lanz ava mars devan ou e i ava anmenn ou kot bann Amorit, bann Hitit, bann Perizit, bann Kananeen, bann Hivit ek bann Zebizit, e mon pou fer sa bann pep disparet.

Akt de Zapot 1:10

Zot ti ankor pe fikse lesyel kot Zezi ti pe monte, kan de zonm abiye an blan ti aparet akote zot.

Zakari 1:8

Dan lannwit, mon ti war en zonm pe mont lo en seval rouz! I ti'n arete dan en vale parmi bann pye dibwa. Deryer li, ti annan bann seval kouler rouz, bren e blan.

1 Kronik 21:27

SENYER ti donn lord sa mesaze e fer li remet son lepe dan son fouro.

Ziz 13:11

Manoa ti leve, i ti swiv son fanm; zot ti ariv kot sa zonm ti ete. I ti demann li, “Ou menm sa zonm ki'n koz avek sa fanm?” Sa zonm ti reponn, “Wi! Mwan menm.”

Danyel 8:3

Mon ti lev mon lizye e mon ti war en mouton mal lo bor larivyer. I ti annan de gran korn. Tou le de korn ti long, me sa korn ki ti pous an dernyen, ti pli long ki lot.

Ziz 13:22

Manoa ti dir son fanm, “Sirman nou pou mor, akoz nou'n war Bondye!”

Zozye 6:2

SENYER ti dir Zozye, “Gete! Mon'n livre Zeriko dan ou lanmen, son lerwa ek son bann vayan gerye.

Zenez 33:5

Kan Ezai ti lev son lizye e war bann fanm ek bann zanfan, i ti dir, “Lekel tou sa bann dimoun ki avek ou?” Zakob ti reponn, “Zot bann zanfan ki Bondye in donn mwan, ou serviter.”

Zenez 33:1

Zakob ti lev son lizye e regarde. I ti war Ezai pe vini avek 400 zonm. I ti partaz son bann zanfan ant Lea ek Rasel e son de servant.

Revelasyon 1:13

Omilye sa set portlanp, ti annan en personnaz ki ti resanble en zonm. I ti'n met en rob long ki ariv ziska son lipye e en sentir annor otour son leren.

Zenez 18:1

SENYER ti aparet avek Abrahanm parmi bann gran pye dibwa sakre Manmre. Abrahanm ti pe asiz devan son latant, dan lasaler lazournen.

Zenez 28:16

Apre, Zakob ti leve dan son sonmey. I ti dir dan li menm: Sirman SENYER i prezan dan sa landrwa e mwan, mon pa ti konnen.

1 Kronik 12:22

Tou le zour, bann zonm ti kontinyen vin zwenn avek David pour ed li, ziska ki i ti'n ganny en gran larme; zot ti parey en larme Bondye.