Zozye 3:17 - Labib An Kreol Seselwa

¹⁷ Bann pret ki ti pe anmenn Kof Lalyans SENYER ti debout kot ti sek, dan milye larivyer Zourden, ziska ki nasyon antye ti'n fini travers larivyer Zourden.

Zozye 3:17 交叉參考

Egzod 14:29

Me bann Izraelit ti mars lo later ferm dan milye lanmer, avek en miray delo lo zot kote drwat e lo zot kote gos.

Egzod 14:22

Pep Izrael ti travers lo en semen sek dan milye lanmer. Delo ti form en miray lo zot kote drwat e lo zot kote gos.

Psonm 66:6

In fer lanmer vin later sek; dimoun ti travers larivyer apye. Alor, nou ti fer lafet.

Ezai 25:8

La sa ki SENYER i promet: Lanmor pou disparet pour touzour. Senyer BONDYE pou eswiy tou larm lo tou bann figir. I pou fer disparet laont son pep.

2 Rwa 2:8

La, Eli ti pran son manto, roul li, tap delo avek. Delo ti separ an de. Tou le de ti travers lot kote larivyer san ganny mouye.

Zozye 4:3

e donn zot sa lord: Zot ava anmas douz ros dan milye larivyer Zourden, dan landrwa kot bann pret ti debout. Anmenn sa bann ros avek zot, e depoz zot la kot zot ava pas lannwit.”

Ebre 11:29

Par lafwa, pep Izrael ti travers lanmer Rouz konmsi ti later sek. Me kan bann Ezipsyen ti esey fer parey, zot tou, zot ti noye.

Egzod 14:21

Alor, Moiz ti lev son lanmen lo lanmer. Pandan tou lannwit, SENYER ti fer lanmer rekile par en gro divan Les, e fer lanmer vin sek.

Nonm 33:51

Dir pep Izrael: Kan zot travers larivyer Zourden pour antre dan pei Kanaan,

Zozye 4:1

Kan tou pep Izrael ti'n fini travers larivyer Zourden, SENYER ti dir Zozye,

Zozye 4:22

Alor, zot ava fer zot bann zanfan konnen ki pep Izrael ti travers larivyer Zourden isi, dan sek.

Zozye 4:10

Bann pret ki ti pe anmenn Kof lalyans ti reste debout dan milye Larivyer Zourden, ziska ki tou sa ki SENYER ti'n ordonn Zozye pou dir lepep, ti'n ganny egzekite e parey sa ki Moiz ti'n ordonn Zozye.

Zozye 4:11

Ler tou dimoun ti'n fini travers larivyer Zourden, Kof SENYER ek bann pret ti travers devan lepep.

Zozye 5:1

Kan tou bann lerwa Amorit ki ti reste dan Was, lot kote larivyer Zourden, ek tou bann lerwa Kananeen ki ti reste lo bor lanmer Mediterane ti'n tande ki SENYER ti'n fer sek delo larivyer Zourden, ziska ki bann Izraelit ti'n fini traverse, zot ti per e perdi kouraz devan pep Izrael.