Zozye 24:19 - Labib An Kreol Seselwa

¹⁹ Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

Zozye 24:19 交叉參考

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Egzod 23:21

Fer sir ou obeir li. Pa revolte kont li, akoz i pa pou pardonn ou bann fot. Annefe, i vin lo mon non.

Psonm 99:9

Proklanmen ki SENYER, nou Bondye i gran! Prosternen devan son montanny sen, akoz SENYER, nou Bondye i Sen.

Psonm 99:5

Loue SENYER, nou Bondye! Ador li devan son tronn! SENYER, i sen.

Levitik 19:2

Koz avek pep Izrael: Zot ava sen, akoz mwan SENYER zot Bondye, mon sen.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

1 Samyel 6:20

Bann zabitan Bet-Semes ti demande: Lekel ki kapab reziste dan prezans SENYER, sa Bondye sen? Kote Kof SENYER pou ale ler i ava sorti isi?

Egzod 34:14

Ou pa devre ador okenn lot bondye, akoz non SENYER i Zalou! I en Bondye zalou.

Matye 6:24

Personn pa kapab servi de met. Annefe, swa i pou ay enn e kontan lot; swa i pou devoue anver enn e mepriz lot. Ou pa kapab servi Bondye ek larzan anmenmtan.

Ezai 30:15

La sa ki Senyer BONDYE, Bondye Sen Izrael i deklare: Ou delivrans i dan retour ver mwan e dan silans. Ou lafors i dan trankilite ek konfyans. Me ou'n refize.

Ezai 30:11

Aret swiv sa semen; sorti lo sa larout. Aret koz lo Bondye Sen dan Izrael avek nou.

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

1 Samyel 3:14

Alor, mon'n fer en serman konsernan fanmir Eli; akoz sa krim, mon pa pou zanmen aksepte ni sakrifis, ni lofrann.”

Rit 1:15

Alor, Naomi ti dir avek Rit, “Gete, la ou belser in retourn kot son pep ek son bann bondye, fer parey li, retourn kot ou.”

Zozye 24:23

I ti dir, “Aprezan, alor, detri bann bondye etranze ki parmi zot, e tourn zot leker ver SENYER, Bondye Izrael.”

Levitik 20:26

Zot ava sen pour mwan, akoz mwan SENYER mon sen e mon'n separ zot avek lezot pep pour zot vin pour mwan.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Levitik 20:7

Alor, konport zot koman bann sen, akoz mwan menm SENYER zot Bondye.

Zozye 24:18

SENYER ki ti sas devan nou tou bann pep: Bann Amorit ki ti reste dan sa pei. Alor, nou osi, nou pou servi SENYER, akoz SENYER ki nou Bondye.”

Psonm 99:3

Loue son non ki gran e formidab. SENYER, i sen.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Levitik 11:44

Mwan menm SENYER zot Bondye. Alor, zot devre sen, akoz mwan mon sen. Pa rann zot enpir avek tou sa bann pti bebet ki ranpli later.

Levitik 11:45

Mwan menm SENYER ki ti fer zot monte sorti Lezip, pour ki mon vin zot Bondye. Zot ava sen akoz mwan, mon sen.

Ezai 2:9

Pour sa rezon, dimoun i ganny imilye; zot tou, zot ganny abese. Pa pardonn zot.