Zozye 22:22 - Labib An Kreol Seselwa

²² “SENYER Bondye i pli gran ki tou bann bondye! Wi! SENYER Bondye i pli gran ki tou bann bondye! SENYER Bondye i konnen, e Izrael osi pou konnen. Si nou'n azir par rebelyon, oubyen pour komet en fot grave kont SENYER, pa les nou viv, ozordi!

Zozye 22:22 交叉參考

1 Rwa 8:39

depi ou demer dan lesyel, ekout li, pardonn li, azir e fer pour li, dapre son kondwit, akoz zis ou ki konn leker et imen.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Psonm 44:21

Bondye ki konn sekre leker imen, pa ti ava'n remarke?

Liv Zob 10:7

Me ou konnen ki mon pa koupab, e ki personn pa kapab aras mwan dan ou lanmen.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

2 Korentyen 11:31

Bondye, Papa Senyer Zezi, ki i ganny beni pour touzour, i konnen ki mon pa pe manti.

2 Korentyen 11:11

Eski mon dir sa akoz mon pa kontan zot? Bondye i konnen ki mon kontan zot.

2 Korentyen 5:11

Akoz nou konnen ki savedir annan respe pour Senyer, nou fer tou pour konvenk dimoun. Me Bondye i konn nou tre byen. Mon espere ki dan zot konsyans, zot osi, zot konn mwan byen.

Akt de Zapot 25:11

Si mon koupab, e si mon'n fer okenn keksoz ki merit lanmor, mon pa refize mor. Me si napa nanryen vre dan sa bann lakizasyon kont mwan, alor, personn napa drwa livre mwan dan zot lanmen. Mon fer rapel devan Sezar.”

Akt de Zapot 1:24

Zot ti priye, “Senyer! Ou ki konn leker tou dimoun, montre nou ant sa de, lekel ki ou'n swazir,

Levanzil dapre Zan 21:17

Apre, Zezi ti demann li pour en trwazyenm fwa, “Simon, garson Zan! Eski ou kontan mwan?” Pyer ti sagren ki Zezi ti demann li pour en trwazyenm fwa: Eski ou kontan mwan? Alor, i ti reponn, “Senyer ou konn tou; ou konnen ki mon kontan ou.” Zezi ti dir li, “Pran swen avek mon bann mouton.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Mise 7:9

Mon bezwen siport lakoler SENYER, akoz mon'n fer pese kont li. Me i pou defann mon lakoz ek mon drwa. I pou anmenn mwan dan lalimyer e mon pou war son lazistis.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Zeremi 12:3

Me ou, SENYER, ou konn mwan, ou war mwan; ou konnen koman mon kontan ou. Rezerv zot parey mouton pour labatwar, gard zot ziska zour zot ava ganny touye.

Psonm 136:2

Loue Bondye ki pli gran ki tou bondye! Son fidelite i dire pour touzour.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Psonm 95:3

SENYER i en gran Bondye; i en gran Lerwa par lao tou bann bondye.

Psonm 82:1

Bondye i pran son plas dan lasanble bann bondye dan lesyel. I ziz zot:

Psonm 37:6

I ava fer paret ou lazistis parey lalimyer granmaten e ou bann drwa parey soley midi.

Liv Zob 23:10

Pourtan, i konnen ki semen mon pran. Ler in teste mwan, mon pou sorti osi pir ki lor.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Zozye 22:21

Bann Ribenit, bann Gadit ek demi tribi Manase ti reponn bann sef fanmir dan Izrael,

Psonm 40:9

Devan lasanble, mon anons nouvel ou delivrans. Ou konnen ou menm SENYER: Mon pa'n gard silans.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.

Liv Zob 31:22

ki mon zepol i ganny arase avek mon ledo e ki mon lebra i kas kot mon koud.

Psonm 44:22

Akoz ou, nou ganny martirize tou lazournen e ganny trete parey mouton pour labatwar.