Zozye 2:3 - Labib An Kreol Seselwa

³ Alor, lerwa Zeriko ti fer dir Rahab, “Fer sorti sa bann zonm ki'n antre dan ou lakaz akoz zot in vin espyonn pei!”

Zozye 2:3 交叉參考

2 Samyel 10:3

bann sef Amonit ti dir avek zot sef Hanoun, “Eski ou krwar ki David in anvoy en delegasyon an omaz pour ou papa e prezant ou son kondoleans? Pa plito pour espyonn lavil ki zot ava vizite, detri e kaptire, ki David in anvoy sa bann dimoun kot ou?”

Akt de Zapot 12:6

Sa menm swar, kan Herod ti pou fer li paret devan lakour, Pyer ti pe dormi ant de solda. I ti'n ganny atase avek de lasenn. Ti osi annan bann gard devan laport prizon.

Akt de Zapot 12:4

Donk, kan Pyer ti'n ganny arete, Herod ti fer met li dan prizon. I ti donn lord pour ki kat group solda i vey li. I ti annan lide fer ziz li an piblik apre Pak.

Levanzil dapre Zan 19:4

Pilat ti sorti ankor. I ti dir avek lafoul, “Gete! La mon anmenn li deor, pour zot konpran ki mon pa trouv okenn rezon pour kondann li.”

Liv Zob 21:30

Zour maler, bann malfeter i ganny eparnyen; lakoler Bondye i kit zot sen e sof.

1 Kronik 19:3

Me bann sef Amonit ti dir Hanoun: Eski ou krwar ki akoz David i anvi onor ou papa ki i'n anvoy son bann zans kot ou pour konsol ou? Pa plito pour gete, pour detrir, pour espyonn ou pei, ki i'n anvoy zot kot ou?

Zozye 10:23

Zot ti fer li. Zot ti tir sa senk lerwa dan kavern e anmenn kot Zozye. Sa ti lerwa Zerizalenm, lerwa Hebron, lerwa Yarmout, lerwa Lakis ek lerwa Eglonn.

Levitik 24:14

Fer sa enn ki'n blasfenmen sorti an deor kan. Sa bann ki'n antann li ensilte mon non, ava poz zot lanmen lo son latet. Apre, kominote ava saboul li avek ros.

Zenez 42:31

Nou ti dir li: Nou en bann dimoun onnet; nou pa bann espyon.

Zenez 38:24

Anviron trwa mwan plitar, Zida ti ganny dir, “Tamar ou belfiy, in vin en prostitye e i ansent.” Zida ti dir, “Anmenn li isi e i ava ganny brile.”

Zozye 2:2

Lerwa Zeriko ti ganny dir: Bann Izraelit in vini isi aswar pour espyonn pei.

Zozye 2:4

Me Rahab ti resevwar sa de zonm, e kasyet zot. I ti dir, “I vre bann zonm in vin kot mwan, me mon pa ti konnen kote zot sorti.

2 Samyel 17:20

Bann serviter Absalon ti ariv kot sa fanm. Zot ti demann li, “Oli Ahimas ek Zonatan?” Sa fanm ti reponn, “Zot in travers lot kote larivyer.” Bann zonm ti rode, me ler zot pa ti trouv personn, zot ti retourn Zerizalenm.

Ziz 4:20

I ti dir li, “Al met ou devan lantre latant. Si en dimoun i vini e i demann ou: I annan dimoun isi? Ou ava reponn: Non.”