Zozye 17:1 - Labib An Kreol Seselwa

¹ Tribi Manase, premye garson Zozef, ti ganny en par. Makir, premye garson Manase, e papa Galaad, ti ganny Galaad avek Basann, akoz i ti en gerye.

Zozye 17:1 交叉參考

Nonm 26:29

Bann desandan tribi Manase: Makir, dan klan Makirit; Makir ti papa Galaad; Galaad ti sorti dan klan Galaadit.

Zenez 41:51

Zozef ti apel son premye garson Manase. I ti dir: Bondye in fer mwan oubliy tou mon soufrans ek separasyon avek mon fanmir.

Zenez 50:23

Zozef ti war dezyenm ek trwazyenm zenerasyon zanfan Efraim. I ti osi war zanfan Masir, garson Manase ki ti ne lo son zenou.

Zenez 46:20

Dan pei Lezip, Zozef ti ganny Manase ek Efraim, ki Asnat, fiy Poti-Fera pret On ti gannyen.

Zenez 48:18

Zozef ti dir li, “Pa konmsa papa. La lene garson, met ou lanmen drwat lo son latet.”

1 Kronik 2:23

Me Gesour ek Aranm ti pran bann kanpman Yair, lavil Kenat ek son bann vilaz; 60 lavil an tou. Zot tou, ti desandan Makir, papa Galaad.

Ziz 5:14

Depi Efraim, desandan bann Amalesit ti desann dan vale; Benzamen ti desann deryer ou parmi ou pep. Bann komandan ti desann depi Makir; bann ki tenir baton sef ti desann depi Zabilon.

Deterononm 21:17

I ava bezwen rekonnet sa garson ki i ti ganny avek sa fanm ki i pa kontan. Koman son premye ne, sa garson ava bezwen ganny doub par dan tou sa ki i posede. Annefe, sa garson i premye ne son virilite; li garson premye ne ki annan sa drwa.

Nonm 32:33

Alor, Moiz ti donn tribi Gad, Riben ek demi tribi Manase, garson Zozef, tou rwayonm lerwa Sihonn, lerwa bann Amorit, ek Og, lerwa Basann, osi bann teritwar ki ti dan zalantour.

Nonm 27:1

Mala, Noa, Hogla, Milka ek Tirsa ti bann fiy Selofad, garson Efer, garson Galaad, garson Makir, garson Manase ek son klan, garson Zozef.

Zenez 48:17

Kan Zozef ti war ki son papa ti'n met son lanmen drwat lo latet Efraim, i pa ti kontan. I ti pran lanmen son papa pour met lo latet Manase.

Zozye 17:2

Lezot fanmir tribi Manase ti ganny en par, klan par klan, pour bann zanfan Abiezer, bann zanfan Elek, bann zanfan Asriel, bann zanfan Sikenm, bann zanfan Efer, bann zanfan Semida. Sa ti tou bann desandan mal dan tribi Manase, garson Zozef, klan par klan.

Zozye 22:7

Moiz ti'n donn demi tribi Manase en par dan Basann; me Zozye ti'n donn lot demi tribi, en par dan Was, lo lot kote larivyer Zourden, parey lezot tribi. Ler Zozye ti ranvoy zot dan zot latant e beni zot,

Ezekyel 48:4

Akote par Neftali, pou vin teritwar Manase.

Zenez 41:52

I ti apel son dezyenm garson, Efraim. I ti dir: Bondye in fer mwan ganny zanfan dan pei mon soufrans.

2 Samyel 2:9

La, zot ti proklanm li lerwa pour sa bann rezyon: Galaad, Aser, Zizreel, Efraim, Benzamen e Izrael antye.

Ezekyel 47:13

La sa ki Senyer BONDYE i deklare: La bann balizaz ki pou diviz bann propriyete parmi sa 12 tribi Izrael. Zozef pou ganny de par.