Frontyer ti baliz avek larivyer Kana. Bann lavil sitye dan Sid avek sa larivyer ki ti dan bann lavil tribi Manase, ti pour tribi Efraim. Frontyer Manase ti pas dan Nor avek larivyer e debous kot lanmer Mediterane.
Sorti Tapoua, frontyer ti pas tou dilon larivyer Kana dan Was pour ariv kot lanmer Mediterane. Sa ti teritwar ki bann fanmir tribi Efraim ti gannyen, dapre sak klan.
Bann Efraimit pa ti sas bann Kananeen ki ti reste Gezer. Pour sa rezyon, ziska ozordi, zot kontinyen reste parmi bann Efraimit, ki ti fors zot travay koman lesklav.
Zot propriyete ek zot abitasyon ti Betel ek son bann vilaz e lo kote les Naarann, dan Was Gezer ek son bann vilaz, Sikenm ek son bann vilaz, ziska Aya ek son bann vilaz.
