Zozye 11:15 - Labib An Kreol Seselwa

¹⁵ Sa ki SENYER ti'n ordonn Moiz son serviter, Moiz ti ordonn Zozye. Zozye ti fer li. I pa ti negliz nanryen ki SENYER ti'n ordonn Moiz.

Zozye 11:15 交叉參考

Zozye 1:7

Reste for e pran kouraz. Fer sir ou obei tou bann lalwa ki mon serviter Moiz ti ordonn ou. Pa tourn ni adrwat, ni agos, e ou ava reisi partou kot ou ava ale.

Akt de Zapot 20:20

Zot konnen ki mon pa'n kasyet nanryen ki ti kapab itil pour zot, kan mon'n ansennyen an piblik e dan zot lakaz.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.

2 Kronik 30:12

Dan rwayonm Zida osi, Bondye ti avek bann zabitan pour gard zot ini e dakor pour obei lord ki lerwa ek bann sef in donnen dapre parol SENYER.

Deterononm 31:7

Apre, Moiz ti apel Zozye. Devan pep Izrael, i ti dir li, “Reste for e pran kouraz, akoz ou ki pou al avek sa pep dan sa pei ki SENYER in fer serman avek zot bann zanset pour donn zot. Ou ki pou fer zot pran posesyon sa pei.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

1 Samyel 15:11

“Mon regrete ki mon'n fer Sail vin lerwa; in detournen avek mwan e i pa'n gard mon parol.” Sa ti fatig latet Samyel ki ti plere devan SENYER tou lannwit.

Zozye 11:12

Zozye ti kaptir tou bann lavil ek zot bann lerwa; I ti masakre zot bann lerwa e detri tou, parey Moiz, serviter SENYER ti'n ordonnen.

Levanzil dapre Lik 11:42

Me maler lo zot, bann Farizyen! Zot ki donn en dizyenm parti lo lanmant, lo tou zepis ek legim, me zot negliz lazistis ek lanmour Bondye. I neseser ki zot fer tousala, me san negliz lezot.

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

Zozye 11:14

Bann Izraelit ti pran tou piyaz lager ek tou sa ki zot ti posede ek zot bann zannimo. Me zot ti masakre tou bann zabitan, e detri zot tou, san kit okenn sirvivan.

Zozye 11:16

Alor, Zozye ti kaptir sa pei antye: Montanny Negev antye, Gosenn, laplenn dezer, bann rezyon montanny dan Izrael, dezer dan Sid, avek laplenn obor lanmer.

Nonm 33:50

SENYER ti koz avek Moiz dan laplenn Moab, obor larivyer Zourden, vizavi Zeriko. I ti dir li:

Nonm 33:52

zot ava sas tou bann zabitan sa pei, detri tou zot bann fo bondye an pyer oubyen an feray e tou zot landrwa sakre.

Deterononm 31:3

SENYER, ou Bondye ava li menm mars devan ou. I pou detri bann nasyon devan ou e ou ava pran posesyon zot pei. Zozye ava osi diriz ou, parey SENYER in promet.

Deterononm 31:5

SENYER ava livre zot dan ou lanmen e ou ava tret zot dapre bann lord ki mon'n donn ou.