Ziz 5:8 - Labib An Kreol Seselwa

⁸ Ler zot ti swazir bann nouvo bondye, lager ti devan laport lavil. Pa ti annan ni boukliye ni lans pour 40,000 zonm dan Izrael.

Ziz 5:8 交叉參考

Ziz 2:17

Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.

Ziz 2:12

Zot ti'n abandonn SENYER, Bondye zot zanset, ki ti'n fer zot sorti Lezip; zot ti swiv lezot bondye ki parmi bann bondye sa pep ki ti otour zot. Zot ti prostern devan sa bann bondye e sa ti depler SENYER.

Ziz 4:3

Pep Izrael ti kriy ver SENYER, akoz Sisera ti annan 900 kales lager an fer e depi 20 an, i ti pe maltret bann Izraelit.

Ziz 5:7

Bann vilaz ti'n ganny abandonnen; zot ti'n ganny abandonnen dan Izrael ziska ki ou, Debora, ou ti leve. Ziska ki ou ti leve dan Izrael, parey en manman.

Ziz 5:11

Pre bann pwi, bann ki anmenn delo, zot rakont bann aksyon pour lazistis ki SENYER in fer koman sef Izrael. Alor, pep SENYER in desann ziska kot laport bann lavil.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.