Ziz 4:3 - Labib An Kreol Seselwa

³ Pep Izrael ti kriy ver SENYER, akoz Sisera ti annan 900 kales lager an fer e depi 20 an, i ti pe maltret bann Izraelit.

Ziz 4:3 交叉參考

Ziz 1:19

SENYER ti avek Zida ki ti pran posesyon rezyon montanny; me zot pa ti kapab deposed bann zabitan rezyon laplenn, akoz ti annan tro bokou kales lager an fer.

Psonm 106:42

Lennmi ti kraz zot e soumet zot anba zot pouvwar.

Ziz 3:9

Pep Izrael ti kriy ver SENYER; SENYER ti swazir en sover ki ti delivre zot. Sa ti Otniel, garson Kenaz, pti zanfan Kaleb.

Psonm 78:34

Kan i ti touy zot, lezot ti rod li. Zot ti repanti, zot ti vitman retourn kot Bondye.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

1 Samyel 7:8

Pep Izrael ti dir Samyel, “Kontinyen priy SENYER, nou Bondye pour nou, pour ki i sov nou dan lanmen bann Filisten.”

Ziz 10:16

Bann Izraelit ti debaras zot avek bann bondye etranze parmi zot e konmans servi SENYER ki ti pran pitye pour soufrans pep Izrael.

Ziz 5:8

Ler zot ti swazir bann nouvo bondye, lager ti devan laport lavil. Pa ti annan ni boukliye ni lans pour 40,000 zonm dan Izrael.

Ziz 3:15

Pep Izrael ti kriy ver SENYER; SENYER ti anvoy en sover pour delivre zot: Ehoud, garson Gera, en Benzamit. I ti gose. Bann Izraelit ti anvoy Ehoud anmenn en kado pour Eglonn, lerwa Moab.

Zozye 17:16

Bann desandan Zozef ti dir, “Rezyon montanny pa pou ase pour nou; an plis, bann Kananeen ki reste dan laplenn, bann ki reste Bet-Seann ek bann vilaz, e bann ki reste dan vale Yizreel, zot annan bann kales lager anfer.”

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:29

Lizour ou pou tate, parey bann aveg dan fernwanr, me ou pa pou kapab trouv ou semen. Dimoun pou kontinyelman eksplwat ou e vol ou; personn pa pou vin ed ou.

Ziz 4:4

Dan sa lepok, profetes Debora, fanm Lapidot ki ti ziz dan Izrael.

Ziz 4:13

Depi Haroset-Goim, Sisera ti fer tou son bann kales lager an fer ek tou son larme ki ti avek li, mont pre larivyer Kisonn.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Ziz 6:6

Konmsa ki pep Izrael ti ganny afebli en kantite par pep Madyanit. Alor, pep Izrael ti kriy ver SENYER.

Ziz 10:10

Alor, pep Izrael ti kriy ver SENYER, “Nou'n fer pese kont ou, akoz nou'n abandonn nou Bondye pour al ador bann Baal.”