Ziz 13:5 - Labib An Kreol Seselwa

⁵ Annefe, ou pou tonm ansent e ganny en garson. Razwar pa pou pas lo son latet, akoz sa garson pou ganny konsakre pour Bondye depi dan vant son manman. I pou delivre Izrael dan lanmen bann Filisten.”

Ziz 13:5 交叉參考

Nonm 6:5

Pandan tou letan son ve, i pa devre raz son latet ziska ler son letan konsekrasyon avek SENYER i terminen. I pou en dimoun sen, e i ava les son seve pouse.

1 Samyel 1:11

I ti fer sa ve: SENYER Toupwisan! Si ou zet en regar lo ou servant, dan son leta mizer, si ou pran pitye e pa oubliy ou servant; si ou donn mwan en garson, mon pou konsakre li tou son lavi pour servi ou. Razwar pa pou zanmen pas lo son latet.

1 Kronik 18:1

Apre, David ti bat bann Filisten e fer zot soumet avek li. I ti pran lavil Gat ek son bann vilaz, dan lanmen bann Filisten.

1 Samyel 7:13

Alor, bann Filisten ti ganny imilye e zot pa ti vin ankor dan teritwar Izrael. Pandan tou lavi Samyel, SENYER ti montre son pwisans kont bann Filisten.

2 Samyel 8:1

Apre sa, David ti ranport laviktwar lo bann Filisten, e vin zot met. I ti pran kontrol avek bann Filisten zot lavil kapital.

Levanzil dapre Lik 1:15

I pou vin enportan devan Senyer. I pa pou bwar ni diven, ni okenn labwason fermante, e i pou ranpli avek Lespri Sen, deza avan son nesans.

Ziz 16:17

I ti ouver son leker avek li, “Razwar pa'n zanmen pas lo mon latet, akoz mon'n ganny konsakre pour Bondye depi dan vant mon manman. Si mon ti raz mon latet, mon ti pou perdi mon lafors e vin feb parey tou dimoun.”

Amos 2:11

Mon ti apel serten parmi zot bann zanfan pour vin profet. Parmi zot bann zennzan, mon ti apel serten pour konsakre zot pour mwan, par en ve.