Ziz 11:2 - Labib An Kreol Seselwa

² Fanm Galaad ti osi ganny bann garson pour li. Ler zot ti'n vin gran, bann garson sa fanm ti sas Zefte. Zot ti dir li, “Ou pa pou ganny okenn par dan posesyon nou papa, akoz ou zanfan en lot fanm.”

Ziz 11:2 交叉參考

Proverb 2:16

Konmsa, ou ava ganny delivre kont en fanm imoral; kont en fanm etranze avek parol anmyelan.

Deterononm 23:2

Sa enn ki'n ne an deor maryaz pa pou fer parti lasanble SENYER. Okenn son bann desandan ziska dizyenm zenerasyon, pa pou kapab fer parti dan lasanble SENYER.

Zenez 12:10

En lafanmin ti pe ravaz pei. Alor, Abranm ti desann Lezip pour en pe letan akoz lafanmin ti serye.

Proverb 5:20

Mon garson! Akoz ou al rod plezir avek fanm en lot e kares tete en fanm ki ou pa konnen?

Proverb 5:3

Annefe, labous en fanm adilter i distil dimyel; son mannyer koze i pli dou ki delwil.

Galat 4:30

Me Lekritir i deklare: Pous sa lesklav avek son garson; akoz garson sa lesklav pa pou vin zeritye ansanm avek garson sa fanm lib.

Ziz 11:1

Zefte, sorti Galaad, ti en vayan gerye. I ti garson en prostitye. Son papa ti apel Galaad.

Ziz 11:3

Zefte ti sove lwen avek son bann frer. I ti al enstal li dan pei Tob. Bann bandi ti asosye zot avek Zefte. Ansanm, zot ti fer bann latak.

Zenez 21:10

e i ti dir Abrahanm, “Pous sa lesklav avek son garson, akoz garson sa servant pa pou vin zeritye ansanm avek mon garson, Izaak.”