Ziz 1:19 - Labib An Kreol Seselwa

¹⁹ SENYER ti avek Zida ki ti pran posesyon rezyon montanny; me zot pa ti kapab deposed bann zabitan rezyon laplenn, akoz ti annan tro bokou kales lager an fer.

Ziz 1:19 交叉參考

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Psonm 60:12

Avek Bondye, nou pou ganny gran laviktwar. Li menm ki pou kraz nou bann lennmi.

Ziz 1:2

“Zida ki pou monte. Mon'n livre pei dan son lanmen.”

Filipyen 4:13

Mon kapab fer fas avek tou difikilte gras a Kris ki donn mwan lafors.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Ezai 8:10

Pran konsey avek kanmarad; fer plan ansanm; i pa pou marse. Diskit lo zot plan; i pa pou reisi akoz Bondye, i avek nou.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Psonm 46:11

SENYER liniver i avek nou; Bondye Zakob i nou labri.

Psonm 46:9

I fer lager arete partou lo later; i kas bann fles, i detri bann lans; i met dife dan bann boukliye.

Psonm 46:7

SENYER liniver i avek nou; Bondye Zakob i nou labri.

2 Rwa 18:7

SENYER ti avek li. I ti reisi dan tou sa ki i ti antreprann. I ti revolte kont lerwa Asiri e refize servi li.

2 Samyel 5:10

David ti vin deplizanpli pli for, akoz SENYER, Bondye ti avek li.

Zozye 14:12

Pour sa rezon, donn mwan sa pei montanny ki SENYER ti koz lo la sa zour. Annefe, ou ti tande depi sa letan, ki ti annan bann zean, avek zot bann gran lavil fortifye. Si SENYER i avek mwan, mon ava sas zot parey SENYER ti anonse.”

Zozye 7:12

Pour sa rezon, Izrael pou nepli kapab fer fas avek son bann lennmi. Zot pou taye devan zot lennmi, akoz zot osi, zot pou ganny detri! Mon pou nepli avek zot, si zot pa fer disparet parmi zot, sa bann lobze ki ti devre ganny detri.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zenez 39:21

SENYER ti avek Zozef; i ti montre son labonte anver li. Zozef ti ganny faver avek sa komandan prizon,

Zenez 39:2

SENYER ti avek Zozef. I ti reisi dan tou sa ki i ti antreprann. I ti travay dan lakaz son met Ezipsyen.

Zozye 6:27

SENYER ti avek Zozye, e son renonmen ti gran atraver pei antye.

Ziz 4:3

Pep Izrael ti kriy ver SENYER, akoz Sisera ti annan 900 kales lager an fer e depi 20 an, i ti pe maltret bann Izraelit.

Ziz 4:13

Depi Haroset-Goim, Sisera ti fer tou son bann kales lager an fer ek tou son larme ki ti avek li, mont pre larivyer Kisonn.

1 Samyel 18:5

David ti reisi dan tou misyon kot Sail ti anvoy li; Sail ti fer li vin sef son bann gerye. Sa ti fer plezir tou bann gerye e lepep antye, menm bann serviter dan pale Sail.

1 Samyel 18:12

Sail ti per David akoz SENYER ti avek David e i ti'n abandonn Sail.

1 Samyel 18:14

Dan tou son bann misyon, David ti reisi, akoz SENYER ti avek li.