Zeremi 2:3 - Labib An Kreol Seselwa

³ Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Zeremi 2:3 交叉參考

Revelasyon 14:4

Se sa bann ki pa'n sali zot avek bann fanm akoz zot ankor vyerz. Zot swiv Zenn Mouton partou kot i ale. Zot in ganny reaste parmi bann zonm pour ganny ofer koman bann premye fri devan Bondye e devan Zenn Mouton.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Ezai 41:11

Tou bann ki fase avek ou pou ganny kouver avek laont ek imilyasyon. Tou bann ki pe rod fer lager kont ou pou ganny detri e disparet.

Romen 11:16

Si sa premye morso dipen ki ou'n ofer Bondye i sen, alor dipen antye i sen. Si rasin en pye dibwa i sen, son bann brans osi i sen.

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Nonm 18:12

Mon donn ou prodwi ki zot ofer SENYER: Meyer delwil, meyer diven ek dible.

Romen 16:5

Fer salanm osi Legliz ki reini dan zot lakaz. Fer salanm mon zanmi Epenet premye fri pour Kris dan provens Lazi.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Zoel 1:3

Rakont sa avek zot bann zanfan; zot bann zanfan ava rakont avek zot bann zanfan; zot bann pti zanfan, ava rakont avek zot zenerasyon.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Ezai 47:6

Mon ti ankoler kont mon pep. Mon ti'n dezonor mon patrimwann; mon ti livre zot dan ou lanmen. Ou pa'n montre okenn konpasyon pour zot; ou'n plas en fardo byen lour lo ledo bann vyeyar.

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Egzod 23:16

Ou ava selebre lafet Larekolt, lafet bann premye fri ou travay, lafet sa ki ou ti senmen dan ou plantasyon. Alafen lannen, ou ava selebre lafet Larekolt, kan ou ava rekolte fri ou travay.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Zeremi 2:4

Tou bann desandan Zakob! Tou bann tribi Izrael!

Habakouk 1:11

Alor, zot pase parey en gro divan e kontiny zot semen. Sa ki enportan pour zot, se zot lafors. Zot pran lafors pour zot bondye.