3 Moiz ti en zonm avek bokou limilite, plis ki nenport ki zonm lo later.
Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.
Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.
Mon'n koz koman en fou! Me zot ki'n fors mwan. Zot ki ti devre koz dan mon faver. Annefe, menm si mon en nanryen ditou, mon pa ditou enferyer avek zot bann gran zapot.
Mon pa krwar ki mon enferyer avek sa bann zapot ki fer zot pas pour siperyer.
Byennere bann ki dou, akoz zot pou posed later!
Me zot labote i devret en labote enteryer, dan leker, kot i pa kapab disparet. Labote en lespri bon e trankil ki annan en gran valer devan Bondye.
O kontrer, nou'n montre labonte parmi zot. Nou ti azir parey en manman ki pran swen son bann zanfan.
Mwan Pol, mon ankouraz zot par ladouser ek labonte Kris, avek limilite ki zot dir mon annan kan mon parmi zot e avek lardyes kan mon lwen avek zot.
Dir Fiy Siyon: La ou lerwa pe vin kot ou, trankilman, monte lo en bourik, Lo en zenn bourik, piti en femel bourik.
SENYER i pran plezir dan son pep; i donn laviktwar bann ki pov.
SENYER i rekonfort bann malere; i abes bann malfeter.
En sel kou, SENYER ti dir Moiz, Aaron ek Mirianm: Zot tou le trwa, al kot Latant Rankont SENYER. Tou le trwa ti ale.
