Nehemi 4:1 - Labib An Kreol Seselwa

¹ Kan Sanbalat ti tande ki nou ti pe rekonstri tanp, i ti pran en gran lakoler, i ti anraze e i ti gognard bann Zwif.

Nehemi 4:1 交叉參考

Ebre 11:36

Lezot ankor, ti siport bann mokri, ganny fwete. Serten ti ganny ansennen e met dan prizon.

Nehemi 2:10

Me kan Sanbalat, en Horonit, ek Tobiya, administrater Amonit, ti aprann sa, zot pa ti kontan ki en dimoun i vin pour rod byennet bann Izraelit.

Akt de Zapot 5:17

Alor, Gran-Pret ek tou bann ki ti avek li, setadir bann manm parti Sadiseen, ti ranpli avek zalouzi anver bann zapot.

Nehemi 2:19

Me kan Sanbalat, en Horonit, e Tobiya, en administrater Amonit, ek Gesenm, en Arab, ti aprann sa, zot ti gognard nou e mepriz nou. Zot ti dir, “Ki zot pe fer la? Zot oule revolte kont lerwa?”

Matye 27:29

Zot ti tres en kouronn avek bann brans pikan e met lo son latet. Zot ti met en baton dan son lanmen drwat. Azenou devan li, zot ti gognard li, “Viv lerwa bann Zwif!”

Matye 2:16

Kan Herod ti realize ki sa bann savan ti'n zwe en trik avek li, i ti tre ankoler. I ti fer touy tou bann garson 2 an e mwens, dan Betlehenm e dan zalantour, dapre lepok ki sa bann savan ti'n dir li.

Nehemi 6:15

Travay lo miray ti terminen le 25 dan mwan Eloul; ti'n pran 52 zour.

Nehemi 6:16

Kan tou nou bann lennmi ti antann sa, e ki bann nasyon otour nou ti war sa miray, zot ti kanmi. Zot ti rekonnet ki sa travay ti'n ganny realize gras a led nou Bondye.

Nehemi 13:28

Enn bann garson Yoyada, garson Gran-Pret Eliasib, ti zann Sanbalat en Horonit. Mon ti sas li lwen avek mwan.

Zeremi 38:19

Lerwa Sedesyas ti reponn Zeremi, “Mon per ki mon bann prop konpatriyot ki'n dezerte, zot al kot bann Babilonyen pour maltret mwan e menm tortir mwan.”