Nahoum 1:2 - Labib An Kreol Seselwa

² SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Nahoum 1:2 交叉參考

Zakari 8:2

La sa ki SENYER liniver i deklare: Mon annan en gran lanmour pour Zerizalenm. En lanmour zalou ki brile parey en dife.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Psonm 94:1

SENYER! Ou en Bondye ki fer vanzans; Bondye vanzans! Fer konnen ki ou ete.

Egzod 34:14

Ou pa devre ador okenn lot bondye, akoz non SENYER i Zalou! I en Bondye zalou.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

Ebre 10:30

Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.

Ezai 42:13

SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Mise 5:15

Apre, avek en gran lakoler, mon pou tir vanzans lo bann nasyon ki pa'n obei mwan.

Zoel 2:18

Alor, SENYER ti montre son gran zalouzi; i ti pran pitye pour son pep.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Ezekyel 6:12

Sa enn ki lwen pou mor avek lepidemi e sa enn ki pre pou ganny masakre. Sa enn ki reste e ki'n sirviv, pou mor par lafanmin. Konmsa, mon ava egzekit mon lakoler ziska dan bout.

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Ezai 51:17

Leve! Leve! Debout, Zerizalenm! Ou ki'n bwar dan lanmen SENYER, lakoup son lakoler; ou ki'n bwar ziska lanmar, lakoup ki fer ou drive.

Liv Zob 20:23

Letan ki i pe ranpli son vant, Bondye pou devers son gran lakoler lo li. Sa lakoler koman lapli pou vin son manze.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Romen 13:4

Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Zakari 1:14

Lanz ki ti pe koz avek mwan ti dir mwan: Proklanm sa mesaz: La sa ki SENYER liniver i deklare: Mon kontan Zerizalenm ek Siyon avek pasyon.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Ezekyel 38:18

Senyer BONDYE i deklare: Sa zour, kan Gog pou atak pei Izrael, mon lakoler pou monte.

Ezekyel 36:6

Pour sa rezon, anonse lo later Izrael! Dir avek bann montanny, bann kolin, bann ranpar ek bann vale: La sa ki Senyer BONDYE i deklare: Dan pasyon mon lakoler, mon koze akoz zot in ganny ensilte par lezot nasyon.

Ezekyel 8:18

Alor, aprezan mon tour: Mon pou azir avek lakoler san pitye; mon pa pou eparny personn. Zot ava kriye avek tou zot lafors, mon pa pou ekout zot.”

Ezekyel 5:13

Mon pou les mon lakoler azir e vanze kont zot, ziska ki mon ganny satisfaksyon. Kan mon lakoler ava'n fini avek zot, zot ava konnen ki mwan SENYER ki'n koze; mon zalou.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 25:15

La parol ki SENYER, Bondye Izrael ti dir mwan: Pran sa lakoup ki dan mon lanmen. I ranpli avek diven mon lakoler. Al kot tou bann nasyon kot mon pou anvoy ou e fer zot bwar.

Zeremi 3:5

Ou pou gard rankin kont mwan pour touzour? Sanmenm ki ou ti dir. Me ou'n kontinyen avek tou ou bann forfe, e ou'n reisi kantmenm.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Deterononm 7:10

Me i pini direkteman sa bann ki ay li; i fer zot disparet. I pa ezite pour pini bann ki ay li; i pini zot direkteman.

Zeremi 28:8

Bann profet ki ti vin avan ou ek mwan, dan letan pase, ti anons lager, lafanmin, lepidemi kont bokou pei e bann gran rwayonm.

Ezekyel 38:19

Mon deklare dan mon zalouzi e dan mon gran lakoler, sa zour pou anmenn en gran sekous dan pei Izrael:

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Nonm 25:11

“Fineas, garson Eleazar, garson Gran-Pret Aaron in apez mon lakoler par sa ki i'n fer. I ti zalou parey mwan e mon pa'n detri zot dan mon lakoler.

Zeremi 50:15

Kriye, fer tapaz dan tou kote lavil kont li. Fer tapaz avek aklamasyon lager. Babilonn in rann zarm. Son bann lavil fortifye in tonbe, son bann miray in ganny kraze.