Mark 9:7 - Labib An Kreol Seselwa

⁷ Apre, en nyaz ti kouver zot, e en lavwa sorti dan nyaz ti dir: Sa i mon Garson byenneme. Ekout li.

Mark 9:7 交叉參考

2 Pyer 1:17

Annefe, i ti resevwar loner ek laglwar sorti kot Bondye, son Papa, kan i ti antann sa lavwa sorti dan laglwar siprenm: Sa i mon Garson byenneme, dan ki mon'n met tou mon lazwa.

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Mark 1:11

En lavwa sorti dan lesyel, ti dir: Ou menm mon Garson byenneme, ou donn mwan bokou lazwa.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.

Ebre 2:1

Pour sa rezon, nou bezwen port en pli gran latansyon pour mesaz ki nou'n tande, pour ki nou pa les nou ganny antrennen dan perdisyon.

Levanzil dapre Zan 20:31

Me sa bann keksoz ki la in ganny ekri pour ki zot krwar ki Zezi i li menm Mesi, Garson Bondye. Si zot krwar dan li, zot ava ganny lavi par son non.

Levanzil dapre Zan 6:69

Aprezan, nou, nou krwar e nou konnen ki ou menm ou sa Sen ki sorti kot Bondye.”

Levanzil dapre Zan 1:34

Mwan mon'n war sa, e la mon konfirmen: Li menm Garson Bondye.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

Romen 1:4

Me dapre Lespri Sen, i'n ganny manifeste koman Garson Bondye avek pwisans, kan i ti resisite.

Akt de Zapot 8:36

Zot ti kontiny zot vwayaz e ariv dan en landrwa kot ti annan delo. Sa zofisye ti dir, “I annan delo la! Kwa ki anpes mwan ganny batize?”

Akt de Zapot 7:37

Se sa menm Moiz ki ti dir avek bann Izraelit: Bondye pou anvoy zot en profet parey mwan, ki pou sorti parmi zot prop pep.

Akt de Zapot 1:9

Apre sa bann parol, Zezi ti mont dan lesyel. Pandan ki zot ti pe get li, en nyaz ti maske li avek zot.

Levanzil dapre Zan 19:7

Bann Zwif ti reponn li, “Nou annan en lalwa e dapre sa lalwa, sa zonm i merit lanmor, akoz i'n dir ki i Garson Bondye.”

Levanzil dapre Zan 9:35

Kan Zezi ti'n antann ki sa aveg ti'n ganny sase dan sinagog, i ti al rod li e i ti demann li, “Eski ou krwar dan Fis-de-Lonm?”

Levanzil dapre Zan 5:37

Mon Papa ki'n anvoy mwan, i li menm servi koman temwen dan mon faver. Zot pa'n zanmen antann son lavwa e zot pa'n zanmen war son vizaz.

Levanzil dapre Zan 5:18

Akoz i ti'n dir sa, bann Zwif ti vin ankor pli determinen pour touy li. Annefe, pa zis akoz i ti'n kas Lalwa saba, me i ti pe osi apel Bondye son Papa. An dizan sa, i ti pe met li egal avek Bondye.

Levanzil dapre Zan 1:49

Natanael ti dir li, “Met! Ou menm Garson Bondye. Ou menm lerwa pep Izrael.”

Matye 27:54

Sa zofisye Romen ek bann solda ki ti pe vey Zezi ti war sa tranblemandter ek tou sa ki ti'n arive. Alor, zot ti tranble avek en gran lafreyer. Zot ti dir, “Vreman! Sa zonm ti Garson Bondye!”

Matye 27:43

I'n met son konfyans dan Bondye. Aprezan, si Bondye i kontan li, i ava sov li. Annefe i ti dir ki i garson Bondye!”

Danyel 7:13

Dan mon bann vizyon pandan lannwit, mon ti war arive avek bann nyaz dan lesyel, enn ki ti resanble en zonm. I ti apros ver sa Vyeyar; zot ti anmenn li dan son prezans.

Psonm 97:2

Fernwanr ek nyaz i antour li. Son tronn i fonde lo lazistis ek ladrwatir.

Psonm 2:7

Mon pou proklanm bann regleman SENYER. I ti dir mwan: Ou mon garson; ozordi mon'n vin ou papa.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Egzod 24:16

Lalimyer prezans SENYER ti reste lo montanny Sinai. En nyaz ti kouver montanny pandan sis zour. Setyenm zour, Bondye ti apel Moiz dan milye nyaz.

Mark 9:6

I pa ti konnen ki pou dir, akoz zot ti telman per.

Mark 9:8

Deswit apre, zot ti get otour zot, me zot pa ti war personn, eksepte Zezi tousel.

Levanzil dapre Lik 3:22

Lespri Sen ti desann lo li dan laform en pizon. En lavwa sorti dan lesyel, ti dir, “Ou menm mon Garson byenneme, ou donn mwan bokou lazwa.”

Levanzil dapre Zan 12:28

Papa glorifye ou non.” Alor, en lavwa sorti dan lesyel ti dir: Mon'n deza glorifye li e mon pou glorifye li ankor.