Mark 16:16 - Labib An Kreol Seselwa

¹⁶ Sa enn ki ava krwar e ki ava ganny batize, pou ganny sove. Me sa enn ki pa krwar, pou ganny kondannen.

Mark 16:16 交叉參考

Levanzil dapre Zan 3:36

Sa enn ki krwar dan son Garson, i ganny lavi eternel. Sa enn ki pa obei son Garson pa pou ganny sa lavi, me i ekspoz li anba lakoler Bondye.”

Akt de Zapot 2:38

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Levanzil dapre Zan 5:24

Mon dir zot, sa i laverite: Tou dimoun ki ekout mon parol e krwar dan sa enn ki'n anvoy mwan, i posed lavi eternel. I pa pou ganny kondannen; i'n deza sorti dan lanmor e pas dan lavi eternel.

Levanzil dapre Zan 8:24

Pour sa rezon ki mon'n dir ki zot pou mor dan zot pese. Annefe, zot pou mor dan zot pese si zot pa krwar ki mwan; mon sa enn ki egziste depi touzour.”

Levanzil dapre Zan 6:29

Zezi ti reponn zot, “Travay Bondye se ki zot krwar dan sa enn ki in anvoye.”

Levanzil dapre Zan 3:5

Zezi ti reponn li, “Mon dir ou, sa i laverite: Personn pa kapab antre dan Rwayonm Bondye si i pa ne par delo e par Lespri.

Akt de Zapot 10:43

Tou bann profet in koz lo li. Zot in dir ki sa enn ki krwar dan li pou ganny pardon son bann pese par pouvwar son non.”

Levanzil dapre Zan 20:31

Me sa bann keksoz ki la in ganny ekri pour ki zot krwar ki Zezi i li menm Mesi, Garson Bondye. Si zot krwar dan li, zot ava ganny lavi par son non.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.

Levanzil dapre Zan 6:35

Zezi ti dir zot, “Mwan menm dipen lavi. Sa enn ki vin kot mwan pa pou zanmen lafen, e sa enn ki krwar dan mwan, pa pou zanmen swaf.

1 Pyer 3:21

Sa ti reprezant batenm, ki pa pirifye lekor, me ki en larepons ki nou fer Bondye avek en konsyans pir. I sov zot gras a rezireksyon Zezi-Kri

Mark 1:15

I ti dir, “Letan fikse in arive; Rwayonm Bondye i pros. Sanz zot lavi e krwar dan sa Bonn Nouvel.”

Akt de Zapot 22:16

Aprezan, pa tarde. Leve! Ganny batize. Envok son non, pour ki ou bann pese i ganny lave.”

Levanzil dapre Zan 6:40

Sa ki mon Papa i oule, se ki sa enn ki war son Garson e ki krwar li, ava ganny lavi eternel; e mwan, mon pou resisit li dan dernyen zour.”

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Levanzil dapre Lik 8:12

Bann lagrenn ki tonm lo bor semen, i sa bann ki'n antann, me dyab i vin retir Laparol dan zot leker pour ki zot pa krwar e ganny sove.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Romen 4:24

In ganny ekri osi pour nou, ki ganny konsidere koman zis, nou ki krwar dan sa enn ki'n resisit Zezi, nou Senyer.

2 Tesalonisyen 2:12

Alor, tou bann ki pa'n krwar laverite, me ki'n pran plezir dan sa ki mal, pou ganny kondannen.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Akt de Zapot 13:46

Alor, Pol ek Barnabas ti dir avek konviksyon, “I ti neseser ki Parol Bondye i ganny anonse avek zot an premye. Me akoz zot rezet li e ki zot pa konsider zot diny pour lavi eternel, alor, aprezan nou tourn nou ver bann non-Zwif.

Romen 3:6

Pa ditou! Si ti konmsa, ki mannyer alor, eski Bondye ti pou kapab ziz lemonn?