Mark 12:9 - Labib An Kreol Seselwa

⁹ Ki i reste pour propriyeter plantasyon rezen fer? I pou vini, touy sa bann lokater e donn sa plantasyon avek lezot lokater.

Mark 12:9 交叉參考

Romen 10:20

Ezai li menm i oze dir: Sa enn ki pa ti pe rod mwan, in trouv mwan. Mon'n revel mwan avek dimoun ki pa ti demann mwan nanryen.

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Matye 21:43

Pour sa rezon, mon dir zot ki zot pou ganny arase Rwayonm Bondye. I pou ganny donnen avek en lot nasyon ki pou prodwi bann fri.

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.

Matye 12:45

Alor, i al rod set lezot lespri pli move ki li menm. Ansanm, zot antre e viv la. Leta sa dimoun i vin pli move ki avan. Sanmenm sa ki pou arive avek bann move dimoun sa zenerasyon.”

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Zeremi 17:3

Akoz ou bann pese dan pei antye, ou ki frekant lo bann montanny ek lakanpanny, mon pou donn koman piyaz lager, tou ou larises, tou ou bann trezor ek ou bann landrwa sakre.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

Ezai 29:17

Eski dan en pti pe letan, Liban pa pou vin en plantasyon avek en kantite pye fri; plantasyon pye fri pou vin en lafore?

Zozye 23:15

Parey tou bann bon parol ki SENYER, zot Bondye ti dir zot in realize lo zot, osi SENYER pou realiz lo zot, tou bann malediksyon, ziska ki i'n detri zot, e ki i'n fer zot disparet lo sa bon later ki SENYER, zot Bondye in donn zot.

Matye 21:34

Kan letan ti'n arive pour rekolte rezen, i ti anvoy detrwa serviter kot bann lokater pour al rod son par prodwi.

Mark 12:8

Alor, zot ti atrap li, touy li e zet son lekor an deor plantasyon.

Mark 12:10

Eski zot pa'n lir dan Lekritir? Sa ros ki bann travayer in rezete, in vin ros prensipal dan fondasyon.