Mark 1:13 - Labib An Kreol Seselwa

¹³ I ti reste dan dezer pandan 40 zour e ganny tante par Satan. I ti reste parmi bann zannimo sovaz, e bann lanz ti servi li.

Mark 1:13 交叉參考

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Egzod 34:28

Moiz ti reste avek SENYER pandan 40 zour, 40 nwit san manze, ni bwar. I ti ekri lo bann plak ros, bann parol lalyans: Dis komannman.

Matye 26:53

Eski zot pa konnen ki mon kapab demann mon Papa led, e deswit i ava anvoy mwan plis ki douz lezyon lanz?

Deterononm 9:25

Pandan sa 40 zour ek 40 nwit, mon ti reste prosternen devan SENYER, akoz SENYER ti oule detri zot.

Deterononm 9:18

Mon ti reste prosternen devan SENYER parey avan, pandan 40 zour ek 40 nwit san manze ni bwar, akoz zot bann pese. Zot ti'n komet sa ki mal devan SENYER e fer li ankoler.

Deterononm 9:11

Apre 40 zour ek 40 nwit, SENYER ti donn mwan sa de plak ros, ki plak lalyans.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Matye 4:1

Alor, Lespri ti anmenn Zezi dan dezer, pour li ganny tante par dyab.

Levanzil dapre Lik 4:1

Zezi, ranpli avek Lespri Sen, ti kit larivyer Zourden e Lespri ti anmenn li dan dezer.