Levitik 7:2 - Labib An Kreol Seselwa

² Zannimo pour sakrifis reparasyon ava ganny egorze dan menm landrwa kot zot egorz zannimo pour sakrifis konplet. Zot ava pran son disan e fer aspersyon partou otour lotel.

Levitik 7:2 交叉參考

Levitik 1:5

I ava egorz sa zannimo devan SENYER. Alor bann pret, bann garson Aaron, ava prezant disan e asperz otour lotel ki dan lantre Latant Rankont.

Levitik 6:25

Dir avek Aaron ek son bann garson: La rityel pour lofrann pardon pese: Zot ava egorz zannimo sakrifis pour pardon pese devan SENYER dan menm landrwa kot zot egorz zannimo pour sakrifis konplet; sa i en lofrann ki tre sakre.

Levitik 1:11

I ava egorz li lo kote Nor lotel devan SENYER, e bann pret, bann garson Aaron, ava asperz disan sa zannimo otour lotel.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Ezekyel 40:39

Dan vestibil lantre, ti annan de latab sak kote. Lo sa bann latab kot zannimo ti ganny touye pour sakrifis konplet ek lezot sakrifis pour pardon pese.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezai 52:15

Bokou nasyon pou reste etonnen; bann lerwa pou ferm zot labous devan li akoz zot pou war sa ki pa ti'n anonse, zot ava konpran sa ki zot pa ti'n zanmen tande.

Nonm 6:12

I ava rekonsakre li pour SENYER pour sa dire letan ki i ti'n fer son ve. I ava anmenn en zenn mouton mal enn an, pour fer en sakrifis reparasyon; me son bann letan konsekrasyon avan, pa pou konte, akoz in kas son ve nazireen.

Levitik 5:9

Pret ava asperz en pe disan sa zwazo ki pour pardon pese obor lotel, tandis ki i ava vers leres disan ater devan lotel. Sa i en sakrifis pour pardon pese.

Levitik 4:33

I ava poz son lanmen lo latet sa zannimo e egorz li koman en sakrifis pour pardon pese, dan landrwa kot zot egorz zannimo pour sakrifis konplet.

Levitik 4:29

I ava poz son lanmen lo latet sa zannimo pour pardon pese e egorz li dan landrwa kot zot touy zannimo pour sakrifis konplet.

Levitik 4:24

I ava poz son lanmen lo latet sa bouk e egorz li dan landrwa kot zot touy zannimo pour sakrifis konplet devan SENYER. Sa i en sakrifis pour pardon pese.

Levitik 3:8

I ava poz son lanmen lo latet sa zannimo; i ava egorz li devan lantre Latant Rankont, e bann garson Aaron ava asperz son disan otour lotel.

Levitik 3:2

I ava poz son lanmen lo latet sa zannimo e i ava egorz li devan Latant Rankont. Bann pret, bann garson Aaron, ava asperz disan otour lotel.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 5:7

Me si i pa kapab ganny en mouton koman sakrifis pour pardon pese ki i'n komet, alor, i ava anmenn devan SENYER, de tourtrel oubyen de pizon. Enn koman sakrifis pour pardon pese, lot koman sakrifis konplet.

Levitik 5:16

I devre donn konpansasyon pour sa domaz kont sanktyer, an azoutan en senkyenm parti son valer e donn avek sa pret ki ava fer rityel pardon son pese avek sa mouton, e sa dimoun ava ganny pardonnen.

Levitik 6:7

Pret ava fer rityel pardon pour li devan SENYER, e i ava ganny pardonnen pour nenport pese ki i'n fer e ki'n rann li koupab.

Levitik 14:13

I ava egorz sa mouton la kot zot egorz zannimo pour pardon pese oubyen pour sakrifis konplet, dan en landrwa sen. Annefe, sakrifis reparasyon, parey sakrifis pour pardon pese i tre sen. I en lofrann strikteman rezerve pour Bondye e i vin pour pret.