Levitik 4:3 - Labib An Kreol Seselwa

³ si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.

Levitik 4:3 交叉參考

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Levitik 9:2

I ti dir Aaron, “Pran en zenn toro pour sakrifis pardon pese, ek en mouton mal pour sakrifis konplet; tou le de i devre san defo. Prezant zot devan SENYER.

Levitik 4:14

ler sa fot ki zot in komet i ganny dekouver, kominote ava ofer en toro koman sakrifis pour pardon zot pese. Zot ava anmenn sa toro devan Latant Rankont.

Ebre 5:3

Akoz li menm i feb, i bezwen ofer bann sakrifis, pa zis pour pese lepep, me osi pour son prop pese.

Esdras 8:35

Tou dimoun ki ti'n retournen sorti annegzil ti ofer sakrifis anver Bondye Izrael. Zot ti prezant 12 toro pour Izrael, 96 mouton mal, 77 zenn mouton ek 12 bouk pour sakrifis pese. Zot ti ofer tousala koman sakrifis konplet pour SENYER.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Ezekyel 43:19

ou ava remet en toro pour sakrifis pardon pese avek bann pret levit ki sorti dan fanmir Sadok. Zis zot ki annan drwa prezant devan mwan, Senyer BONDYE i deklare.

Egzod 29:21

Ou ava pran en pe sa disan ki lo lotel avek en pe delwil konsekrasyon; ou ava asperz lo Aaron, lo son labiyman, lo son bann garson e lo zot labiyman. Dan sa fason, Aaron ek son labiyman ava ganny konsakre; son bann garson ek zot labiyman ava osi ganny konsakre.

Egzod 29:14

Me ou ava bril an deor kan, lapo ek lavyann sa toro, ansanm avek son leskreman. Sa i en sakrifis pour pardon pese.

Egzod 29:7

Apre, ou ava pran delwil konsekrasyon ki ou ava vers lo son latet e ou ava konsakre li.

Nonm 8:8

Answit, zot ava pran en toro avek lofrann vezetal petri dan delwil. Pran en dezyenm toro pour sakrifis pese.

Levitik 16:11

Aaron ava prezant sa toro pour sakrifis pardon pour son prop pese e i ava fer rityel pardon pese pour li menm e pour son fanmir. I ava egorz sa toro koman sakrifis pour pardon son prop pese.

Levitik 16:6

Aaron ava ofer sa toro pour sakrifis pardon son prop pese, e i ava fer rityel pardon pese pour li menm e pour son fanmir.

Levitik 8:12

I ti vers en pe delwil lo latet Aaron, e konsakre li.

Levitik 5:6

An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Egzod 30:10

En fwa par an, Aaron ava fer rityel pirifikasyon lo bann kwen lotel. I ava ofer disan sakrifis pour pardon pese zenerasyon apre zenerasyon. Sa lotel ava ganny konsidere koman tre sakre pour SENYER.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Levitik 4:5

Sa pret ava pran en pe disan sa toro e anmenn dan Latant Rankont.

Levitik 4:23

ler i dekouver sa fot ki i'n komet, i devre ofer en bouk, san defo.

Levitik 4:28

ler i dekouver sa fot ki i'n komet, i devre ofer, koman sakrifis, en femel kabri san defo, pour sa pese ki i'n komet.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

2 Kronik 29:21

Alor, zot ti anmenn avek zot set toro, set mouton mal, set zenn mouton, ek set bouk koman sakrifis pour pese, pour lafanmir rwayal, pour sanktyer e pour pep Zida. Lerwa ti ordonn bann pret, desandan Aaron pour ofer sakrifis lo lotel SENYER.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 6:18

Tou bann desandan mal dan lafanmir Aaron ava kapab manze. Sa i zot par pour touzour, sorti kot SENYER dan bann sakrifis brile par dife. Tou sa ki tous zot ava vin sen.

Levitik 9:3

Ou ava dir pep Izrael: Pour sakrifis pardon pese, pran en bouk, en zenn bef ek en zenn mouton, aze enn an e san okenn defo; pour en sakrifis konplet,

Levitik 16:3

La ki mannyer Aaron pou antre dan sanktyer: I devre anmenn en zenn toro pour sakrifis pardon pese ek en mouton mal pour sakrifis konplet.

Levitik 16:5

Pep Izrael antye ava donn li de bouk, enn pour sakrifis pardon pese, lot pour sakrifis konplet.

Ezekyel 40:39

Dan vestibil lantre, ti annan de latab sak kote. Lo sa bann latab kot zannimo ti ganny touye pour sakrifis konplet ek lezot sakrifis pour pardon pese.

Ezekyel 44:27

Zour ki i antre dan tanp, dan lakour enteryer pour servis dan tanp, i ava ofer son sakrifis pour pardon son pese. Senyer BONDYE ki'n deklare.