Levitik 10:3 - Labib An Kreol Seselwa

³ Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Levitik 10:3 交叉參考

Egzod 19:22

Bann pret ki vin devan SENYER ava pirifye zot, pangar ki SENYER i pini zot e ki i annan parmi zot ki mor.”

Ezai 49:3

In dir mwan: Izrael! Ou menm mon serviter. Par ou, mon pou montre mon laglwar.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Nonm 20:12

Alor, SENYER ti dir Moiz ek Aaron: Akoz zot pa'n krwar dan mwan pour montre mon sentete devan pep Izrael, pa zot ki pou fer antre sa pep dan sa pei ki mon'n promet zot.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.

Deterononm 32:51

Annefe, tou le de, zot ti dezobei mwan devan bann Izraelit pre avek sours Meriba ki Kades dan dezer Sin, ler zot pa ti rekonnet mon sentete parmi bann Izraelit.

Ezai 52:11

Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Psonm 89:7

Bondye i ganny respekte dan konsey bann lanz; i gran e formidab dan son lantouraz.

1 Samyel 6:20

Bann zabitan Bet-Semes ti demande: Lekel ki kapab reziste dan prezans SENYER, sa Bondye sen? Kote Kof SENYER pou ale ler i ava sorti isi?

Levitik 21:21

Okenn desandan pret Aaron ki enfirm pa kapab prezant li devan SENYER pour ofer bann lofrann brile par dife. I annan en diformite, i pa pou kapab prezant devan Bondye, pour ofer li nouritir.

Levitik 8:35

Ou ava reste dan lantre Latant Rankont lizour koman aswar, pandan set zour. Apre, ou ava kapab akonpli servis ki SENYER in ordonnen, san riske lanmor. Sa i dapre lord ki mon'n gannyen.

Ezekyel 20:41

Mon pou akey zot avek plezir, parey en lofrann ki fer mwan plezir. Mon pou fer zot sorti parmi bann pep, dan tou pei kot zot in disperse e rasanble zot. Konmsa, mon pou montre bann nasyon ki mwan menm Bondye sen.

Levitik 22:9

Bann pret ava akonpli tou sa ki mon'n ordonnen, san rann zot koupab pour en pese profanasyon ki anmenn lanmor. Mwan menm SENYER ki rann zot sen.

Levitik 21:17

Dir avek Aaron: Atraver tou bann zenerasyon, okenn zonm parmi ou bann desandan ki annan en diformite, pa pou kapab prezant nouritir devan Bondye.

Levitik 21:15

I pa pou dezonor son desandans dan son fanmir, akoz mwan SENYER ki konsakre li.

Levitik 21:8

Ou ava konsider bann pret koman sen, akoz zot ofer nouritir ou Bondye. Zot ava sen pour mwan SENYER, akoz mwan ki rann zot sen.

Ezekyel 42:13

Sa zonm ti dir mwan: Bann lasal ki vir lo kote Nor e lo kote Sid i bann lasal sakre, kot bann pret ti prezant devan SENYER, pour manz bann lofrann tre sakre. La kot zot met bann lofrann tre sen: Bann lofrann vezetal ek zannimo ofer pour diferan sakrifis pour pardon pese, akoz sa landrwa i sen.

Psonm 39:9

Aprezan, mon gard silans. Mon pa pou ouver mon labous, akoz ou ki'n met mwan dan sa leta.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Ezekyel 28:22

La sa ki Senyer BONDYE i deklare: Mon kont ou, Sidon! Mon pou montre mon laglwar parmi zot. Kan mon pou egzekit zizman kont li, Kan mon pou montre mon sentete, tou dimoun pou konnen ki mwan menm SENYER.

Liv Zob 2:10

Me i ti reponn li, “Ou koz koman en fanm fol! Bondye i donn nou sa ki bon e i anvoy maler osi!” Dan tousala, Zob pa ti dir nanryen kont Bondye.

Levanzil dapre Zan 12:28

Papa glorifye ou non.” Alor, en lavwa sorti dan lesyel ti dir: Mon'n deza glorifye li e mon pou glorifye li ankor.

1 Samyel 3:18

Alor, Samyel ti rakont li tou, san kasyet nanryen. Eli ti dir, “Li menm SENYER, i ava fer sa ki fer li plezir.”

Egzod 14:4

Mon pou andirsi leker Faraon; i pou pourswiv zot e mon pou ganny laglwar atraver Faraon ek son pep. Tou Ezipsyen pou konnen ki se mwan SENYER”. Sanmenm ki zot ti fer.

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

2 Tesalonisyen 1:10

Sa zour, i pou vini pour li ganny onore e admire par tou bann ki pour li e ki krwar dan li. Zot osi, zot ava la, akoz zot in krwar dan mesaz ki nou'n anons zot.

Levanzil dapre Zan 14:13

Tou sa ki zot pou demande lo mon non, mon pou fer li, pour ki Papa i ganny glorifye dan son Garson.

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Ezai 39:8

Ezekyas ti dir Ezai, “Parol SENYER ki ou'n dir mwan i bon.” I ti pe mazinen dan li menm: Pou annan lape ek sekirite pandan mon lavi.

Egzod 14:17

Mon pou andirsi leker bann Ezipsyen pour fer zot swiv deryer. Mon pou montre zot mon grander atraver Faraon, tou son larme, son bann kales lager ek son bann kavalye.

Egzod 30:30

Ou ava fer lonksyon lo Aaron ek son bann garson; ou ava konsakre zot pour servi mwan koman pret.

Nonm 16:5

I ti dir Kore ek son kominote antye: Demen bomaten, SENYER pou fer konnen lekel ki pour li e lekel ki sen, lekel ki i pou les prezant devan li. I pou les sa enn ki i pou swazir pour apros devan li.

Psonm 148:14

In rann son pep son lafors. Son bann fidel i sant son louanz. Pep Izrael i en pep pros avek li. Loue SENYER!

Ezekyel 38:16

Ou ava atak mon pep Izrael, parey en nyaz ki kouver later. La sa ki pou arive apre sa: Byen lontan apre, mon pou fer ou monte e atak mon pei, pour ki atraver ou, Gog, mon ava montre ki mon sen devan bann nasyon.

Ezekyel 40:46

Lasal enteryer ki vir kote Nor i pour bann pret ki ansarz lotel; zot bann desandan Sadok. Zis zot, parmi bann desandan Levi, ki kapab prezant zot devan SENYER pour servi li.

Egzod 19:24

SENYER ti dir li, “Desann, apre, ou ava remont avek Aaron. Me bann pret ek lepep pa devre depas balizaz pour vin kot SENYER, pangar serten parmi zot i mor.”

Psonm 39:10

Aret ou bann kou lo mwan; mon afebli par ou bann kalot.

Psonm 93:5

Ou bann komannman i vreman sir. SENYER! Ou tanp i reste sen pour touzour.