Ester 4:4 - Labib An Kreol Seselwa

⁴ Ler son bann servant ek bann enik ti vin anons li sa nouvel, larenn ti dan en gran sagren. I ti anvoy lenz kot Mardose pour li tir sa lenz dey. Me i pa ti aksepte.

Ester 4:4 交叉參考

Psonm 77:2

Kan mon dan maler, mon tourn ver SENYER. Dan lannwit, mon reste lanmen anler, san repo; mon refize ganny konsole.

Zeremi 31:15

La sa ki SENYER i deklare: Nou antann bann lavwa kriye asodlarm, sorti dan direksyon Rama. Sa i Rasel ki pe pler son bann zanfan. I refiz tou konsolasyon, akoz zot nepli la.

Ezai 56:3

Pa les sa etranze ki'n atas li avek SENYER dir: SENYER pou sirman separ mwan avek son pep. Pa les en enik dir: Mon'n vin en pye dibwa sek.

Ester 1:12

Me larenn Vasti ti refize obeir lord ki lerwa ti'n transmet par lentermedyer son bann enik. Lerwa ti pran en gran lakoler.

2 Rwa 9:32

I ti lev latet ver lafnet e dir, “Lekel ki avek mwan? Lekel?” De ou trwa zonm konfyans ti get li.

1 Samyel 8:15

I pou pran en dizyenm bann rekolt ek prodwi rezen, pour donn son bann zans dan son lantouraz.

Zenez 37:35

Tou son bann garson ek son bann fiy ti vin konsol li. Me i ti refiz tou konsolasyon. I ti dir, “Dan dey ki mon pou al kot mon garson, dan lemonn lanmor.” Zakob pa ti arete plere.

Akt de Zapot 8:27

Deswit, Filip ti leve e i ti ale. Lo son semen, i ti war en enik Etyopyen, en zofisye enportan ki ti ansarz trezor Kandas, larenn Letyopi. I ti'n al Zerizalenm pour ador Bondye.

Ester 4:3

Dan sak provens, partou kot lord lerwa ek son dekre ti arive, bann Zwif ti plere en kantite; zot ti zene, plere e lamante, bokou parmi zot ti dormi dan lenz dey e kouver avek lasann.

Ester 4:5

Alor, Ester ti apel Hatak, enn bann enik ki lerwa ti'n apwente pour servi li. I ti ordonn li pour al kot Mardose, pour konnen sa ki ti pe pase e pour ki rezon.