Ester 4:16 - Labib An Kreol Seselwa

¹⁶ Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Ester 4:16 交叉參考

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

Levanzil dapre Lik 9:24

Sa enn ki oule sov son lavi pou perdi li, e sa enn ki perdi son lavi akoz mwan, pou sov son lavi.

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zozye 24:15

Si zot pa oule servi SENYER, swazir ozordi ki lekel ki zot oule servi: Swa bann bondye ki zot zanset ti adore lot kote larivyer Efrat, swa bann bondye pei bann Amorit kot zot pe reste. Mwan ek mon fanmir, nou pou servi SENYER.

2 Samyel 10:12

Montre kouraz, e annou konbat koman bann brav solda pou nou pep, e pour bann lavil nou Bondye; SENYER ava fer sa ki li menm i war bon.”

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ester 5:1

Son trwazyenm zour, Ester ti met bann lenz rwayal e antre dan lakour enteryer pale rwayal vizavi pale. Lerwa ti pe asiz lo son tronn rwayal dan pale vizavi lantre.

Filipyen 2:30

Annefe, se akoz misyon Kris ki i ti pre pour mor. I'n riske son lavi pour li donn mwan led ki zot pa ti kapab donnen.

Romen 16:4

Zot in riske zot prop lavi pour sov sa ki pour mwan. Pa zis mwan tousel ki rekonesan anver zot, me osi tou bann Legliz dan lemonn non-Zwif.

Akt de Zapot 27:33

Zis avan lizour, Pol ti sipliy zot tou pour manz keksoz, “Zot in reste 14 zour dan lenkyetid san manze.

Akt de Zapot 21:13

Me Pol ti reponn, “Akoz zot pe plere konmsa e kas mon leker? Mwan mon pare pa zis pour ganny anmare, me menm pour mor pour nou Senyer Zezi dan Zerizalenm.”

Akt de Zapot 10:7

Kan lanz ki ti'n fek koz avek li ti'n ale, Korney ti apel de parmi son bann serviter ek en solda byen relizye ki ti dan son servis depi lontan.

Akt de Zapot 9:9

Pandan trwa zour i pa ti war kler, e pandan sa letan i pa ti ni manze, ni bwar.

Matye 12:40

Annefe, parey Zonas ti pas trwa zour ek trwa nwit dan vant balenn, Fis-de-Lonm pou pas trwa zour ek trwa nwit dan vant later.

1 Samyel 19:5

I ti riske son lavi e i ti touy sa Filisten; SENYER ti donn Izrael antye en gran laviktwar. Ou ti war, e ou ti rezouir. Akoz ou oule fer pese e vers disan inosan? Akoz ou oule fer David mor san rezon?”

Levanzil dapre Zan 19:22

Pilat ti reponn, “Sa ki mon'n ekri, mon'n ekri.”

Ester 4:3

Dan sak provens, partou kot lord lerwa ek son dekre ti arive, bann Zwif ti plere en kantite; zot ti zene, plere e lamante, bokou parmi zot ti dormi dan lenz dey e kouver avek lasann.

Ester 4:15

Alor, Ester ti donn zot sa larepons pour Mardose:

Ester 4:17

Mardose ti ale e fer tou sa ki Ester ti'n ordonn li.

Zeremi 36:9

Dan senkyenm lannen ki Zoyakim, garson Zozyas ti lerwa Zida, dan nevyenm mwan, en seremoni zenn ti ganny proklanmen pour lepep ki reste Zerizalenm ek tou bann pep sorti dan bann lavil Zida.

Danyel 2:18

I ti demann zot pour rod konpasyon Bondye lesyel, konsernan sa rev mister, pour ki zot pa fer disparet Danyel ek son bann zanmi, ansanm avek leres bann saz dan Babilonn.

2 Rwa 7:4

Si nou dir: Annou antre dan lavil; lafanmin i dan lavil, nou ava mor dan lavil. Si nou reste asiz isi, nou pou osi mor. Alor, annou al rann lekor dan kan bann Siriyen. Si zot eparny nou lavi, nou ava viv; si zot touy nou, nou ava mor.”

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Ester 9:31

pour enstitye sa bann zour Pourim lo dat fikse par Zwif Mardose ek larenn Ester pour zot menm e pour zot desandans, konsernan zot bann letan zenn ek lamantasyon.