Ester 10:2 - Labib An Kreol Seselwa

² Tou son bann aksyon ekstraordiner e kouraze, mannyer in donn promosyon Mardose, in ganny rakonte dan Liv Listwar bann Lerwa Medi ek Lapers.

Ester 10:2 交叉參考

Ester 8:15

Mardose ti sorti devan lerwa abiye dan labi rwayal kouler ble e blan avek en gro kouronn annor, en gran manto an linenn fen, kouler rouz fonse. Dan lavil Siz, ti annan tapaz ek selebrasyon.

Ester 9:4

Annefe, Mardose ti annan bokou pouvwar dan pale rwayal; amezir ki i ti vin deplizanpli pwisan, son renonmen ti kouver tou bann provens.

Ester 2:23

En lanket ti prouve ki sa ti vre; sa de zonm ti ganny pann. Sa ti ganny ekri dan Liv Listwar, dan prezans lerwa.

Ester 6:1

Sa swar, lerwa pa ti ganny sonmey. I ti donn lord pou anmenn Liv Listwar rwayonm ki ti ganny lir devan li.

Danyel 2:48

Apre, lerwa ti donn Danyel bann gran loner; i ti donn li bokou gro kado, e met li ansarz provens Babilonn antye. I ti fer li sef bann savan dan Babilonn.

Psonm 18:35

Ou donn mwan ou boukliye laviktwar. Ou soutenir mwan avek ou lanmen drwat. Ou led in rann mwan for.

1 Rwa 22:39

Leres bann Aksyon Akab, tou sa ki i'n fer, pale livwar ki i'n konstri, tou bann lavil fortifye, tousala in ganny ekri dan liv Listwar bann Lerwa Izrael.

1 Rwa 14:19

Leres bann aksyon Zeroboanm, mannyer ki i ti fer lager e koman i ti rennyen, in ganny ekri dan liv Listwar bann Lerwa Izrael.

1 Rwa 11:41

Leres bann aktivite Salomon in ganny ekri avek tou sa ki i'n fer ek son lasazes dan Liv Listwar Salomon.

Ester 8:2

Lerwa ti tir son bag avek stanp ki i ti'n repran avek Haman e donn Mardose. Lo son kote, Ester ti met Mardose responsab bann byen Haman.