Ester 1:4 - Labib An Kreol Seselwa

⁴ I ti montre gran larises son rwayonm e splander ek son mazeste pandan plizyer zour. An tou 180 zour.

Ester 1:4 交叉參考

Liv Zob 40:10

Dan sa ka, met ou pare dan loner ek dinyite; abiy ou dan laglwar ek mazeste.

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Romen 9:23

Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Matye 4:8

Ankor en fwa, dyab ti anmenn Zezi lo en montanny byen o. I ti montre li tou bann rwayonm partou lo later ek zot splander.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Danyel 4:36

Dan sa moman, mon larezon ti retournen. Mon loner, mon dinyite, mon rwayote, mon grander ek mon pwisans ti ganny retabli. Mon bann konseye ek bann sef mon rwayonm ti vin rod mwan. Mon ti ganny retabli dan mon rwayonm e mon loner ti kontinyen ogmante.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Ezekyel 28:5

Par ou konnesans dan komers, ou'n ogmant ou larises, ki'n ranpli ou leker avek lorgey.

Ezai 39:2

Ezekyas ti byen akey zot. I ti montre zot, tou son bann trezor: Larzan, lor, bann zepis, bann delwil parfimen, tou son bann magazen zarm ek tou sa ki ti dan son bann kof. Ezekyas pa ti kasyet nanryen; i ti montre zot tou sa ki ti annan dan son pale e dan tou son rwayonm.

Psonm 145:5

Mon pou medit lo splander, ou laglwar ek ou mazeste e bann gran mervey ki ou'n fer.

Psonm 93:1

SENYER i lerwa, in anvlope dan mazeste; i antoure avek lafors.

Psonm 45:3

Brav gerye! Atas ou lepe lo ou kote! Sa i fer ou grander ek ou loner.

Psonm 21:5

Gras a ou led, son laglwar in vin gran; i'n ganny kouver avek splander ek mazeste.

1 Kronik 29:25

SENYER ti fer Salomon vin en gran lerwa devan pep Izrael. I ti fer son renny ranpli avek mervey ki okenn lerwa avan li dan Izrael pa'n zanmen konnen.

Ester 1:3

Dan trwazyenm lannen son renny, i ti donn en festen pour tou son bann o fonksyonner ek son bann minis. Bann sef larme Lapers ek Medi, bann nob, bann gouverner provens, ti prezan.

Ester 1:5

Alafen sa bann zour, lerwa ti donn pandan set zour, en festen o plenn er dan zarden rwayal, pour lepep antye ki ti dan Siz, son kapital, depi pli gran ziska pli pti.