Esdras 4:3 - Labib An Kreol Seselwa

³ Me Zorobabel, Zozye ek leres bann sef lafanmir Izrael ti reponn zot, “Konstriksyon en tanp pour nou Bondye pa konsern zot. Zis nou tousel, ki pou konstri en tanp pour SENYER, Bondye Izrael, parey lerwa Siris, lerwa Lapers in ordonn nou.”

Esdras 4:3 交叉參考

Nehemi 2:20

Mon ti reponn zot, “Bondye dan lesyel ki pou fer nou reisi. Nou son bann serviter, nou pou konmans rekonstri lavil. Me zot, zot napa okenn par ladan, okenn drwa, napa nanryen pour zot dan Zerizalenm.”

Akt de Zapot 8:21

Ou napa okenn par, ni drwa dan sa travay, akoz ou pa onnet dan ou leker devan Bondye.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.

Ezai 45:4

Akoz Zakob mon serviter e Izrael ki mon'n swazi, mon apel ou par ou non. Menm si ou pa konn mwan, mon pou fer ou sa loner.

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

2 Kronik 36:22

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Levanzil dapre Zan 4:9

Sa fanm ti reponn li, “Ki mannyer ou en Zwif, ou kapab demann mwan ki en Samariten, delo pour bwar?” Annefe, bann Zwif ti napa okenn relasyon avek bann Samariten.

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Esdras 3:8

Pandan dezyenm lannen, apre ki zot ti'n retourn Zerizalenm kot tanp Bondye, dan dezyenm mwan, Zorobabel, garson Sealtiel, Zozye, garson Yosadak, avek leres zot bann frer bann pret ek levit ek tou bann ki ti'n retourn Zerizalenm sorti annegzil, zot ti konmans travay. Zot ti donn sa responsabilite bann levit aze 20 an, an montan pour sirvey bann travay lo tanp SENYER.

Esdras 1:3

Zot tou ki form parti son pep, Bondye ava avek zot. Mont Zerizalenm, dan Zida e konstri tanp SENYER, Bondye Izrael. Li menm sa Bondye ki dan Zerizalenm.