Esdras 3:7 - Labib An Kreol Seselwa

⁷ Zot ti donn larzan bann mason ek bann sarpantye. Zot ti donn manze, bwar, ek delwil bann Sidonit ek bann Tiryen, pour fer transport pye sed par bato sorti Liban pour anmenn Zafa, dapre lotorizasyon Siris, lerwa Lapers.

Esdras 3:7 交叉參考

1 Rwa 5:6

Alor, donn lord pour koup bann pye sed Liban pour mwan. Mon konnen napa personn ki konn koup dibwa parey bann Sidonit. Mon bann zonm ava zwenn ansanm avek ou bann serviter; mwan menm mon ava pey ou tou sa ki ou ava demande pour zot lapey.”

Akt de Zapot 12:20

Herod ti pran en gran lakoler avek bann zabitan Tir ek Sidon. Alor, sa bann zabitan ti tonm dakor pour al war li. Zot ti ganny dan zot kote Blastis, en zofisye enportan dan servis lerwa, pour al demann lerwa Herod pour fer lape. Annefe, zot pei ti depann lo son rwayonm pour ganny aprovizyonnen.

Akt de Zapot 9:36

Dan lavil Zope, ti annan parmi bann disip, en fanm ki ti apel Tabita. Son non ti Dorkas an Grek, savedir gazel. I ti touzour okipe pe fer dibyen e pe ed bann pov.

Zonas 1:3

Me Zonas ti sove pour li al Tarsis, lwen devan prezans SENYER. I ti desann Zafa e pran en bato ki ti pe al Tarsis. I ti pey son pasaz e anbark lo bato avek lekipaz pour al Tarsis, lwen avek prezans SENYER.

Ezekyel 27:17

Pep Zida ek Izrael ti fer komers avek ou; annesanz pour ou prodwi zot ti fourni ou dible, zoliv ek fig kont sezon, dimyel ek lesans.

Akt de Zapot 9:38

Bann disip ki ti Zope, ti tande ki Pyer ti Lida, en lavil pros avek Zope. Zot ti anvoy de zonm avek sa mesaz: “Nou sipliy ou vin kot nou, deswit.”

Akt de Zapot 9:43

Pyer ti reste en pe letan Zope, kot en zonm ki ti apel Simon, en travayer lapo.

2 Samyel 5:11

Hiranm lerwa Tir, ti anvoy bann mesaze kot David. I ti anvoy li dibwa sed, bann sarpantye ek mason pour konstri en pale pour David.

Esdras 3:6

Apartir premye zour, setyenm mwan, zot ti konmans ofer sakrifis konplet. Me fondasyon tanp SENYER pa ti ankor ganny poze.

2 Rwa 12:10

Kan zot ti war ki ti annan bokou larzan dan kes, sekreter lerwa ti monte avek Gran-Pret. Zot ti konte, met tou larzan ki ti dan tanp SENYER, dan bann sak e zot ti anmare.

2 Rwa 12:13

Larzan ki ti ganny anmennen dan tanp SENYER, pa ti ganny servi pour fer ni bann basen annarzan, ni tennywar, ni kalis pour aspersyon, ni tronpet, ni okenn lobze annor oubyen annarzan.

2 Kronik 34:10

Sa larzan ti ganny remet avek bann zonm responsab pour travayer dan tanp SENYER, pour fer reparasyon ek renovasyon tanp SENYER.