Egzod 4:21 - Labib An Kreol Seselwa

²¹ SENYER ti dir Moiz, “La ki ou pe retourn Lezip, get tou sa bann mervey ki mon'n met dan ou lanmen. Ou ava fer zot devan Faraon. Mon pou andirsi son leker e i pa pou les mon pep ale.

Egzod 4:21 交叉參考

Romen 9:18

Ensi, Bondye i pran pitye pour ki i oule, e i rann antete sa enn ki i oule.

Ezai 63:17

SENYER! Akoz ou'n les nou egare lwen avek ou semen? Ou'n andirsi nou leker pour fer nou rezet ou. Pour lanmour ou bann serviter, pour lanmour bann tribi ki ou posesyon: Retournen!

Zozye 11:20

Annefe, SENYER ti'n andirsi zot leker pou fer lager kont Izrael, pour ki Izrael ava kapab masakre zot san pitye, e detri zot konpletman, parey SENYER ti'n ordonn Moiz.

Levanzil dapre Zan 12:40

Bondye in rann zot lizye aveg. I'n ferm zot leker, pour ki zot pa war avek zot lizye, e zot pa konpran avek zot leker, pour ki zot pa retourn kot mwan, pour mwan geri zot.

Egzod 14:8

SENYER ti andirsi leker Faraon, lerwa Lezip, ki ti pourswiv pep Izrael. Pep Izrael ti'n sorti lib, anba proteksyon Bondye.

Egzod 9:35

Alor, leker Faraon ti reste andirsi e parey SENYER ti'n dir par lentermedyer Moiz, i pa ti les pep Izrael ale.

Egzod 9:12

SENYER ti andirsi leker Faraon ki pa ti ekout zot, parey SENYER ti'n dir Moiz.

Egzod 7:13

Me leker Faraon ti reste andirsi. Parey SENYER ti'n dir, i pa ti ekout zot.

Egzod 3:20

Mon pou servi mon lafors e pini Lezip avek toudsort aksyon ekstraordiner. Apre sa, i pou les zot ale.

Egzod 10:20

Me SENYER ti andirsi leker Faraon e i pa ti les bann Izraelit ale.

Egzod 7:3

Me mwan, mon pou andirsi leker Faraon. Menm si mon fer ankor plis bann siny ek bann mervey dan Lezip,

Ezai 6:10

Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Egzod 14:4

Mon pou andirsi leker Faraon; i pou pourswiv zot e mon pou ganny laglwar atraver Faraon ek son pep. Tou Ezipsyen pou konnen ki se mwan SENYER”. Sanmenm ki zot ti fer.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

2 Korentyen 2:16

Pour serten, nou en loder lanmor ki anmenn lanmor; pour lezot en loder lavi ki anmenn lavi. Lekel alor ki kalifye pour ranpli en tel misyon?

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Psonm 105:25

I ti sanz leker bann Ezipsyen, fer zot ay son pep e fer konplo kont son bann serviter.

1 Rwa 22:22

I ti reponn, “Mon pou sorti e mon pou vin en lespri mansonz dan labous tou bann profet.” SENYER ti dir, “Wi, al tant li e ou ava reisi. Ale! Al fer li.

Deterononm 2:36

Depi Aroer ki lo bor larivyer Arnon, ansanm avek sa lavil ki lo sa larivyer li menm, ziska Galaad, pa ti annan okenn sitadel tro o pour nou. SENYER, nou Bondye ti donn nou tou.

Zenez 6:3

Alor, SENYER ti dir: Mon lespri pa pou reste touzour dan bann et imen, akoz i zis laser. Son lavi pou dire zis 120 an.

Egzod 8:32

Me safwasi ankor, leker Faraon ti reste andirsi e i pa ti les lepep ale.

Egzod 10:1

SENYER ti dir Moiz, “Al war Faraon. Mon'n andirsi son leker e leker son bann serviter pour mwan montre mon bann siny parmi zot,

Egzod 10:27

Me SENYER ti andirsi leker Faraon e i pa ti les zot ale.

Egzod 11:9

SENYER ti dir Moiz, “Faraon pa pou ekout ou pour ki mon fer bokou plis mervey dan Lezip.”

Egzod 11:10

Moiz ek Aaron ti fer tou sa bann mervey devan Faraon. SENYER ti andirsi leker Faraon e i pa ti les pep Izrael kit son pei.

Psonm 78:43

I ti montre bann siny etonan dan Lezip, bann mirak dan laplenn Zoann.

Egzod 3:19

Mwan mon konnen ki lerwa Lezip pa pou les zot ale, amwen ki i ganny forse par en lanmen solid.

Egzod 8:11

Bann grenouy ava sorti kot ou, kot ou bann lakaz, kot ou bann sef ek ou pep e zot ava reste dan larivyer Nil.”

Egzod 8:15

Me ler Faraon ti war ki ti nepli annan danze, i ti andirsi son leker e parey SENYER ti'n dir, i pa ti ekout zot.

Egzod 14:17

Mon pou andirsi leker bann Ezipsyen pour fer zot swiv deryer. Mon pou montre zot mon grander atraver Faraon, tou son larme, son bann kales lager ek son bann kavalye.