Egzod 4:11 - Labib An Kreol Seselwa

¹¹ SENYER ti dir li, “Lekel ki'n donn en et imen en labous? Lekel ki rann dimoun kozpa, oubyen sourd, war kler oubyen aveg? Pa mwan SENYER, ki fer tousala?

Egzod 4:11 交叉參考

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Psonm 146:8

SENYER i ouver lizye bann aveg. SENYER i redres sa bann ki'n kourbe. SENYER i kontan sa enn ki obei li.

Ezai 6:7

I ti tous mon labous avek sa labrez. I ti dir: Aprezan ki sa labrez in tous ou labous, ou fot in ale, ou pese in ganny efase.

Psonm 94:9

Eski sa enn ki'n fer zorey pa antann? Eski sa enn ki'n fer lizye pa war kler?

Psonm 51:15

SENYER! Ouver mon labous e mon ava sant ou louanz.

Zeremi 1:9

Apre sa, SENYER ti avans son lanmen. I ti tous mon labous e i ti dir mwan: La parol ki mon met dan ou labous.

Zeremi 1:6

Mon ti reponn: “Malerezman, Senyer BONDYE, mon pa konn koze, mon tro zenn.”

Ezekyel 33:22

Aswar, avan ki i ti arive, SENYER ti fer mwan santi son pwisans e rann mwan laparol. Lannmen kan sa zonm ti vin kot mwan, mon labous ti ouver; mon ti reganny laparol.

Zenez 18:14

Eski i annan keksoz ki enposib pour SENYER? Lannen prosenn, kan letan in bon, mon pou retournen, e Sara ava ganny en garson.”

Matye 11:5

Bann aveg i war kler; bann paralize i marse; bann ki annan maladi parey lalep i geri; bann sourd i tande; bann mor i reganny lavi; bann pov i antann Bonn Nouvel.

Ezai 42:7

pour ou ouver lizye bann aveg, pour ou liber bann prizonnyen ki dan kaso, e fer sorti an konsiny bann ki reste dan fernwanr.

Levanzil dapre Lik 1:20

Me akoz ou pa'n krwar mon parol ki pou akonpli kan son letan ava arive, ou pa pou kapab koze ziska ki tou sa ki mon'n anons ou i arive.”

Levanzil dapre Lik 1:64

Sa menm moman, Zakari ti rekonmans koze. I ti rann glwar Bondye aotvwa.

Levanzil dapre Zan 10:21

Lezot ti dir: En dimoun ki ganny posede par en demon pa kapab koz konmsa. Ki mannyer en demon i kapab fer bann aveg war kler?

Zenez 11:7

Annou desann e brouy zot langaz pour zot pa konpran kanmarad.

Proverb 20:12

SENYER ki'n fer lizye pour war e zorey pour antann.