Egzod 27:9 - Labib An Kreol Seselwa

⁹ Ou ava fer en lakour pour latant sakre. Ou ava fer bann lez latwal an linenn fen, trese, 50 met longer, lo kote Sid.

Egzod 27:9 交叉參考

Ezekyel 42:3

Anfas, ti annan en lespas dan lakour enteryer ki ti 10 met lo en kote tanp. Lot kote ti vir lo pavaz dan lakour eksteryer avek son koulwar lo trwa letaz.

Ezekyel 40:44

Deor, devan laport enteryer ti annan lasal pour bann santer: Enn ti akote laport Nor ki vir kote Sid; lot ti akote laport Les e ti vir kote Nor.

Ezekyel 40:32

Apre, sa zonm ti anmenn mwan dan lakour enteryer, ver laport Les. I ti mezir laport ki ti menm dimansyon avek lezot.

Ezekyel 40:28

Apre, sa zonm ti anmenn mwan dan lakour enteryer par laport Sid. I ti mezir laport Sid ki ti menm dimansyon ki lezot laport.

Ezekyel 40:23

Vizavi laport Nor, parey lo kote Les, ti annan en laport ki ti vir dan lakour enteryer; i ti mezir depi en laport ziska lot; ti annan 52 met.

Ezekyel 40:20

Sa zonm ti mezir longer ek larzer laport dan lakour eksteryer lo kote Nor.

Ezekyel 40:14

I ti osi mezir vestibil ki ti mezir 10 met; akote, ti annan bann pilye otour lakour.

Psonm 116:19

dan lakour tanp SENYER, dan milye Zerizalenm. Loue SENYER!

Psonm 100:4

Antre par bann laport tanp avek bann kantik remersiman. Antre dan lakour son tanp avek bann kantik louanz. Remersye li e loue son non.

Psonm 92:13

I parey en pye dibwa ki'n ganny plante dan tanp SENYER. I fleri dan lakour tanp nou Bondye.

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.

2 Kronik 33:5

Dan tou le de lakour tanp SENYER, i ti konstri bann lotel pour ladorasyon tou bann zetwal.

1 Rwa 8:64

Sa menm zour, Salomon ti konsakre lakour ki devan tanp SENYER; i ti ofer la, bann sakrifis konplet, bann lofrann vezetal ek lagres bann sakrifis lape, akoz lotel an bronz ki ti devan SENYER ti tro pti pour fer tou sa bann sakrifis brile, ek lofrann vezetal ek lagres bann sakrifis lape.

1 Rwa 6:36

Apre, zot ti antour lakour avek en miray fer avek trwa ranze ros taye, plase enn lo lot, avek en ranze dibwa sed.

Egzod 40:8

Ou ava aranz lakour toultour e met rido avek laport lakour.

Egzod 39:40

bann rido pour lakour, bann kolonn, bann sipor, rido laport lakour, son bann kordaz, pike ek tou bann istansil pour servi dan sanktyer, pour Latant Rankont;

Egzod 36:17

Zot ti fer 50 rozet obor premye rido dan bout premye lasanblaz, e 50 rozet obor latwal dezyenm lasanblaz.

Egzod 27:10

I ava tenir lo son 20 kolonn e son 20 sipor an bronz. I ava annan bann krose pour bann kolonn ek bann treng annarzan.

Egzod 35:17

bann rido pour lakour, son bann kolonn, son bann bar ek rido laport lakour;

Egzod 40:33

I ti aranz lakour otour sanktyer ek lotel, e met rido devan laport lakour. Konmsa ki Moiz ti konplet bann travay.

Nonm 3:26

Bann zagraf ek rido ki devan lakour ek rido ki otour lakour eksteryer, lotel sakrifis ek tou bann lakord ki ti servi pou mont latant.

Nonm 4:26

bann rido lakour eksteryer ki antour Latant SENYER ek rido lantre devan, avek tou son bann lakord ek son bann zagraf. Tousala i travay bann Gersonit.

Nonm 4:32

kolonn ki toultour lakour eksteryer e zot lipye, son bann pike e zot lakord, tou son bann zouti. Ou ava donn sakenn son morso pour li transporte.

2 Kronik 4:9

Salomon ti donn lord fer en lakour zis pour bann pret, e bann laport kouver an bronz pour en gran lakour.

Ezekyel 40:17

Apre, sa zonm ti anmenn mwan dan lakour tanp, kot ti annan 30 lasal; lakour otour ti pave avek bann plak.