Egzod 23:2 - Labib An Kreol Seselwa

² Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Egzod 23:2 交叉參考

Proverb 1:15

Mon garson! Pa swiv zot semen; evit semen ki zot pran.

Liv Zob 31:34

akoz mon ti per rimer sorti parmi lafoul, e si mon ti per ki ou fanmir i mepriz mwan, alor, mon pa ti dir nanryen. Mon ti reste dan lakour.

Deterononm 1:17

Zot pa devre fer preferans dan zot desizyon; ekout sa enn ki pti koman sa enn ki gran; pa per personn, akoz zizman i sorti kot Bondye. Bann ka ki tro difisil pour zot, anmenn kot mwan e mon ava ekoute.

Levanzil dapre Lik 23:51

I pa ti dakor avek sa ki Konsey ti'n deside e avek sa ki zot ti'n fer. I ti pe atann Rwayonm Bondye.

Mark 15:15

Pour satisfer lafoul, Pilat ti larg Barabas. I ti fer fwet Zezi e livre li dan zot lanmen, pour li ganny krisifye.

Proverb 4:14

Pa antre dan semen bann ki pratik lemal, pa pran semen bann malfeter.

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

Zozye 24:15

Si zot pa oule servi SENYER, swazir ozordi ki lekel ki zot oule servi: Swa bann bondye ki zot zanset ti adore lot kote larivyer Efrat, swa bann bondye pei bann Amorit kot zot pe reste. Mwan ek mon fanmir, nou pou servi SENYER.

Akt de Zapot 25:9

Me Festis ti oule fer plezir bann Zwif. Alor i ti demann Pol, “Eski ou dakor pour al Zerizalenm pour ganny zize devan mwan konsernan sa bann lakizasyon?”

Akt de Zapot 24:27

Alor, de lannen ti pase. Apre, Porsiis Festis ti ranplas Feliks koman Gouverner. Feliks ti oule fer plezir bann Zwif. Se pour sa rezon ki i ti kit Pol dan prizon.

Zeremi 38:9

Mazeste! I pa byen mannyer sa bann zonm in azir anver profet Zeremi; zot in zet li dan en sitern. I pou mor lafen dan sa trou, akoz nepli annan dipen dan lavil.

Zeremi 37:21

Alor, lerwa Sedesyas ti donn lord pour gard Zeremi dan kordgard. Tou le zour, zot ti donn li en dipen sorti dan lari bann Boulanze, ziska zour ki ti nepli annan dipen dan lavil. Konmsa ki Zeremi ti reste dan kordgard.

Zeremi 37:15

Zot ti ankoler kont Zeremi; zot ti bat li e anferm li kot Zonatan, sekreter lakour, ki son lakaz ti'n ganny transformen koman en prizon.

Psonm 72:2

I pou ziz ou pep avek drwatir e ou bann pov avek lazistis.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Zenez 19:4

Me zot pa ti ankor dormi, kan bann dimoun sa lavil, bann zonm Sodonm, zenn koman vye, tou dimoun san eksepsyon, ti antour son lakaz.

Zenez 6:12

Bondye ti war ki later ti'n koronpi.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Zenez 7:1

SENYER ti dir Noe, “Antre dan lars, ou avek ou fanmir, akoz mon'n remarke ki dan sa zenerasyon zis ou ki fidel anver mwan.

Agze 1:4

Eski la i en lepok pour zot reste dan zot lakaz byen dekore? Tandis ki mon lakaz li, in degrengole, i anrin?

1 Samyel 15:9

Sail avek son bann zonm ti eparny lavi Agag, e bann meyer mouton ek bef, bann zannimo gra, bann zenn mouton, e tou sa ki ti bon; i pa ti detri zot, me tou sa ki ti enferyer e san valer, ti ganny konpletman detri.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

1 Samyel 15:24

Alor, Sail ti dir Samyel, “Mon'n fer pese; akoz mon'n dezobei bann komannman SENYER ek ou bann parol; mon ti per lepep e mon'n ekout zot.