Egzod 21:1 - Labib An Kreol Seselwa

¹ SENYER ti dir: La bann regleman ki ou ava met devan bann Izraelit:

Egzod 21:1 交叉參考

Deterononm 4:14

Alor, SENYER ti ordonn mwan ansenny zot sa bann regleman ek bann desizyon ki zot ava obzerve dan pei kot zot pe al antre pour pran posesyon.

Deterononm 6:20

Plitar, kan zot bann zanfan ava demann zot: Akfer sa bann lalwa, regleman ek desizyon ki SENYER, nou Bondye in ordonn zot?

1 Tesalonisyen 4:1

Anfen, mon bann frer ek ser! Zot in aprann avek nou, koman zot devre konport zot pour fer plezir Bondye. Zot pe fer li deza; me esey fer pli byen ankor.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Malasi 4:4

Rapel byen bann lalwa, bann komannman ek bann regleman, ki mon ti donn mon serviter Moiz lo montanny Horeb pour pep Izrael antye.

Ezekyel 20:25

An plis, mon ti menm donn zot bann lalwa ki pa ti bon ek bann regleman ki zot pa ti kapab viv avek.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Psonm 147:19

I fer Zakob konn son parol, son bann regleman ek son bann desizyon avek Izrael.

Nehemi 10:29

ti zwenn ansanm avek zot bann frer, bann sef. Zot ti pret serman pour swiv lalwa ki Bondye ti donnen par lentermedyer Moiz, serviter Bondye e pour met an pratik tou bann komannman SENYER, nou SENYER, son bann regleman ek son bann lalwa.

2 Kronik 19:10

Kan en ka i ganny anmenn devan ou, par enn ou frer, sorti dan son lavil konsernan en krim oubyen laplikasyon lalwa, komannman, regleman, ou koutim, ou ava averti li pour pa rann ou koupab devan SENYER. SENYER pa pou pran lakoler kont ou, ni kont ou frer.

1 Rwa 6:12

Ou pe konstri en tanp pour mwan; si ou mars dapre mon bann lalwa, si ou azir dapre bann regleman ki mon'n donn ou; si ou obei tou mon bann komannman, mon ava akonpli tou mon bann promes ki mon ti fer avek ou papa David, lo ou size.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Deterononm 5:31

Me ou, reste debout akote mwan. Mon ava dir ou tou bann komannman, regleman e desizyon ki ou ava ansenny zot, pour ki zot ganny met an pratik dan sa pei ki mon pe al donn zot.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 4:45

Moiz ti donn sa bann lalwa ek regleman ler zot ti'n sorti Lezip.

Deterononm 4:8

Lekel sa lot gran nasyon ki annan bann regleman ek bann desizyon ki osi zis, parey tou sa bann lalwa ki mon pe met devan zot ozordi?

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Nonm 36:13

Sa ti bann komannman ek bann regleman ki SENYER ti donn pep Izrael, par lentermedyer Moiz, kan zot ti dan laplenn Moab, obor larivyer Zourden, vizavi Zeriko.

Nonm 35:24

alor, kominote ava baz zizman dapre sa bann regleman ant sa enn ki'n tape ek son vanzer disan.

Levitik 20:22

Zot ava gard tou mon bann lalwa ek tou mon bann regleman e met zot an pratik, pour ki sa pei kot mon pou fer zot antre, pa rezet zot.

Levitik 19:37

Ou ava gard tou mon bann regleman ek mon bann desizyon, e met zot an pratik. Mwan menm SENYER.

Levitik 18:26

Zot ava gard mon bann lalwa ek mon bann regleman. Okenn Izraelit, okenn etranze ki pe viv parmi zot, pa devre komet sa bann aksyon degoutan.

Levitik 18:5

Obzerv mon bann lalwa ek mon bann regleman: An metan sa bann regleman an pratik, en dimoun ava viv. Mwan menm SENYER.

Egzod 19:7

Alor, Moiz ti retournen e apel bann ansyen parmi pep Izrael, e i ti dir zot tou bann parol ki SENYER ti ordonn li.

Deterononm 15:12

Si enn parmi ou bann frer Ebre, zonm oubyen fanm i vann son lekor avek ou, i ava servi ou pandan 6 an. Setyenm lannen, ou ava les li ale lib.