Egzod 17:9 - Labib An Kreol Seselwa

⁹ Moiz ti dir Zozye, “Swazir bann zonm kapab, e al lager kont Amalek. Demen, nou ava debout lo latet montanny avek baton SENYER dan lanmen.”

Egzod 17:9 交叉參考

Deterononm 32:44

Moiz avek Zozye, garson Noun, ti vin repet tou bann parol sa kantik devan lepep.

Egzod 24:13

Alor, Moiz ek Zozye son asistan, ti mont lo montanny Bondye.

Egzod 4:20

Moiz ti met son fanm ek son bann garson lo bourik e retourn Lezip. Moiz ti pran baton Bondye dan son lanmen.

Egzod 4:2

SENYER ti demann li, “Ki ou annan dan ou lanmen?” I ti reponn, “En baton.”

Ebre 4:8

Annefe, si Zozye ti'n kondwir pep Izrael dan sa repo, Bondye pa ti ava'n koz plitar, lo en lot zour.

Akt de Zapot 7:45

Sa Latant ti ganny transmet avek nou bann zanset ki ti vin apre. Plitar, zot ti anmenn li avek zot, kan avek Zozye, zot ti pran pei bann nasyon ki Bondye ti fer disparet devan zot. Sa Latant ti reste ziska lepok David,

Nonm 11:28

Alor, Zozye, garson Noun ki ti dan servis Moiz depi ki i ti ankor zenn, ti dir, “Moiz, mon senyer, anpes zot.”

Egzod 17:13

Zozye ti ganny laviktwar lo bann Amalesit ki i ti masakre par lepe.

Nonm 13:16

Sa i non tou bann zonm ki Moiz ti anvoy eksplor pei Kanaan. Moiz ti donn Oze, garson Noun, non Zozye.

Egzod 4:17

Pran sa baton dan ou lanmen. Se avek sa, ki ou pou fer sa bann siny.”

Zozye 8:18

Alor, SENYER ti dir Zozye, “Lev ou zarm ki dan ou lanmen dan direksyon Ai, akoz mon pe al livre ou sa lavil.” Zozye ti pwent son zarm ki ti dan son lanmen, dan direksyon Ai.

1 Kronik 7:27

Nonn, son garson, Zozye, son garson.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.

Nonm 13:8

Pour tribi Efraim: Hoze, garson Noun.

Nonm 27:18

SENYER ti dir Moiz, “Pran Zozye, garson Noun, en zonm ki mon lespri i lo li. Enpoz ou lanmen lo son latet.

Zozye 8:3

Zozye avek tou son bann gerye, ti met li pare pour al atak Ai. I ti swazir 30,000 vayan gerye ki i ti anvoy dan lannwit,