Egzod 13:5 - Labib An Kreol Seselwa

⁵ Zot ava pratik sa rityel pandan menm mwan, kan SENYER ti fer zot antre dan pei bann Kananeen, Hitit, Amorit, Hivit ek Zebizit; dan sa pei ki i ti promet avek zot zanset pour li donn zot, en pei kot dile ek dimyel i koule.

Egzod 13:5 交叉參考

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Zozye 24:11

Zot ti travers larivyer Zourden e zot ti ariv Zeriko. Bann zabitan Zeriko ti fer lager kont zot, ensi ki bann Amorit, bann Perizit, bann Kananeen, bann Hitit, bann Girgasit, bann Hivit, ek bann Zebizit. Mon ti livre zot tou dan zot lanmen.

Egzod 6:8

Mon pou fer zot antre dan sa pei ki mon ti fer serman pour donn Abrahanm, Izaak ek Zakob: Mwan SENYER, mon pou donn zot sa later pour zot posesyon.”

Egzod 34:11

Ou ava obzerv tou sa ki mon ordonn ou ozordi: Mon pou sas devan ou bann Amorit, bann Kananeen, bann Hitit, bann Perizit, bann Hivit ek bann Zebizit.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Deterononm 26:1

Kan ou ava'n ariv dan pei ki SENYER, ou Bondye pou donn ou pour patrimwann; kan ou ava'n pran posesyon sa pei e enstal ou,

Deterononm 19:1

Kan SENYER, ou Bondye ava fer disparet bann nasyon dan ou pei ki SENYER, ou Bondye in donn ou. Kan ou ava'n pran posesyon zot byen e etabli dan zot bann lavil e dan zot lakaz,

Deterononm 12:29

SENYER, ou Bondye ava detri devan ou, bann nasyon kot ou pe ale pour ou pran tou sa ki zot posede. Ou ava pran tou zot byen, e etabli ou dan zot pei.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Nonm 32:11

Akoz zot pa'n obei mwan, tou sa bann ki'n sorti Lezip, apartir laz 20 an, pa pou antre dan pei ki mon'n promet Abrahanm, Izaak, ek Zakob,

Nonm 14:30

Personn pa pou antre dan sa pei ki mon ti promet pour enstal zot, eksepte Kaleb ek Zozye, garson Noun.

Nonm 14:16

SENYER pa'n kapab anmenn sa pep dan pei ki i ti'n promet zot. Alor in touy zot dan dezer.

Egzod 33:1

SENYER ti dir Moiz, “Ale, ou avek sa pep ki ou'n delivre sorti Lezip e al dan sa later ki mon ti fer serman avek Abrahanm, Izaak ek Zakob an dizan: Mon pou donn sa later ou bann desandan.

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Egzod 12:24

Zot devre obzerv sa rityel koman en regleman pour ou ek ou bann zanfan pour touzour.

Egzod 13:10

Ou ava obzerv sa lalwa dan letan fikse, toulezan.

Egzod 13:11

“Kan SENYER ava'n fer ou antre dan pei Kanaan, parey i ti promet ou ek ou bann zanset, e ki i ava'n donn ou,

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

Nonm 11:12

Eski mwan ki'n met omonn sa pep? Eski mwan ki'n donn zot nesans pour ou dir mwan pran li dan lebra, parey en nouris i pran en pti baba ki pe tete e anmenn zot ziska dan pei ki ou'n promet zot zanset par en serman?

Nonm 13:27

La sa ki zot ti rakont Moiz: Nou'n al eksplor sa pei kot ou ti'n anvoy nou. I vre ki i en pei kot dile ek dimyel i koule. Gete, la son bann fri.

Zeremi 11:5

Alor, mon pou gard sa promes ki mon ti fer avek zot zanset, konmkwa mon pou donn zot sa pei kot dile ek dimyel i koul annabondans. Lanmenm la kot zot ete ozordi. Mon ti reponn, “Wi, SENYER”.

Zeremi 32:22

Parey ou ti'n promet avek zot bann zanset, ou'n donn zot sa later ki ris e fertil.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Egzod 6:4

Mon ti osi etabli mon lalyans avek zot, pour donn zot pei Kanaan, sa pei kot zot ti viv koman etranze.

1 Kronik 1:15

bann Hivit, bann Arkit ek bann Sinit,