Egzod 11:1 - Labib An Kreol Seselwa

¹ SENYER ti dir Moiz, “Mon pou anvoy ankor en dernyen fleo lo Faraon e lo Lezip. Apre sa, i pou les zot ale. Kan i ava les zot ale, i pou menm sas zot.

Egzod 11:1 交叉參考

Levitik 26:21

Si zot kontinyen reziste kont mwan e refize ekout mwan, mon pou ogmant zot pinisyon set fwa plis ankor pour zot pese.

Zenez 15:14

Me, mon pou ziz sa pep ki pou fer zot vin lesklav. Alor, zot ava kapab kit sa pei avek bokou larises.

Egzod 9:14

Safwasi, mon pou anvoy tou kalite fleo lo ou, lo ou bann serviter e lo ou pep, pour ki ou ava konnen ki lo later antye, napa enn parey mwan.

Egzod 3:20

Mon pou servi mon lafors e pini Lezip avek toudsort aksyon ekstraordiner. Apre sa, i pou les zot ale.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Revelasyon 16:9

Dimoun ti ganny brile par en lasaler terib e zot ti ensilte Bondye ki annan pouvwar lo sa bann fleo. Zot ti refize repanti pour rann li glwar.

Liv Zob 10:17

Ou anmenn nouvo temwen kont mwan. Ou lakoler kont mwan i ogmante. Ou anvoy nouvo troup pour atak mwan.

1 Samyel 6:4

Bann Filisten ti demande, “Ki kalite rekonpans nou kapab ofer li?” Zot ti reponn, “Senk lobze annor ek senk souri annor dapre lakantite sef Filisten, akoz menm fleo ti tonm lo zot tou e lo bann sef osi.

Egzod 6:1

SENYER ti dir Moiz, “Aprezan, ou ava war ki mon pou fer avek Faraon: Par pwisans mon lanmen ki i pou les ale mon pep, par pwisans mon lanmen ki i pou sas zot dan son pei.”

Egzod 12:29

Minwi, SENYER ti touy tou bann premye ne dan Lezip, depi premye ne Faraon ki asiz lo son tronn, ziska premye ne sa prizonnyen dan son kaso, e premye ne bann zannimo.