Egzod 10:7 - Labib An Kreol Seselwa

⁷ Dimoun dan lantouraz Faraon ti dir: Ziska kan sa zonm pou kontinyen anmenn maler lo nou? Les sa pep ale pour zot al servi SENYER, zot Bondye. Eski ou pa ankor konpran ki Lezip in ganny detri?

Egzod 10:7 交叉參考

1 Samyel 18:21

I ti mazinen dan li menm: Les mwan donn li David, pour ki i ava servi koman en latrap e bann Filisten ava touy li. Alor, an de fwa, Sail ti'n dir avek David: Ozordi, ou pou vin mon zann.

Eklezyas 7:26

Alor, mon'n dekouver sa ki pli anmer ki lanmor: En fanm ki tant zonm, son leker i parey en pyez e son lanmen i parey lakord. Sa zonm ki fer plezir Bondye pou sape, me en peser pou pri dan son lasenn.

Zozye 23:13

zot ava war ki SENYER, zot Bondye, pa pou kontinyen sas sa bann nasyon devan zot. Zot ava vin en latrap, en pyez, en roten ki pou fwet zot lo zot ledo, e bann pikan dan zot lizye, ziska ki zot ava disparet lo sa bon later ki SENYER, zot Bondye in donn zot.

Egzod 23:33

Zot pa pou reste dan ou pei, pangar zot ava fer ou fer pese kont mwan. Annefe, ou riske ador zot bann bondye, e sa pou en latrap pour ou.

1 Korentyen 7:35

Mon pe dir zot sa pour zot prop byen; non pa pour met restriksyon lo zot, me pour ed zot fer tou keksoz byen, e fer tou pour ki zot atas zot avek Senyer san rezerv.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Zeremi 51:8

En sel kou, Babilonn in tonbe e in ganny detri. Sant bann kantik dey lo li. Met en kataplas lo son boubou; kekfwa i ava kapab ganny geri!

Zeremi 48:4

Moab in ganny detri. Son bann zanfan pe kriye.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezai 14:20

Me ou pa pou ganny antere avek zot, akoz ou'n detri ou pei, ou'n detri ou pep. Laras bann kriminel pou ganny oubliye pour touzour!

Proverb 29:6

Pour en malfeter, son bann fot i vin bann pyez. Me sa enn ki zis, i danse dan lazwa.

Psonm 107:34

Akoz mesanste son bann zabitan, en later fertil in vin en laplenn disel.

Egzod 8:19

Bann mazisyen ti dir Faraon, “Lanmen Bondye i ladan.” Me leker Faraon ti andirsi e parey SENYER ti dir, i pa ti ekout zot.

Egzod 7:5

Konmsa, ler mon ava poz mon lanmen lo Lezip e fer bann Izraelit sorti parmi zot, bann Ezipsyen ava konnen ki mwan menm SENYER.”

Egzod 12:33

Bann Ezipsyen ti fer bann Izraelit degaze pour kit pei pli vit posib, akoz zot ti pe dir: Nou tou nou pou mor.

1 Samyel 5:11

Alor, zot ti rasanble tou bann sef Filisten e dir zot, “Retourn Kof Bondye Izrael dan son pei, sinon nou ek nou pep, nou pou mor.” Annefe, SENYER ti'n montre son pwisans lo lavil; ti annan gran lafreyer.