Ebre 9:4 - Labib An Kreol Seselwa

⁴ La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Ebre 9:4 交叉參考

Nonm 17:10

SENYER ti dir Moiz: Pran baton Aaron e remet li devan Kof Lalyans. I ava en lavertisman pour bann rebel, pour ki zot aret fer konplent kont mwan, sankwa zot pou mor.

2 Kronik 5:10

Dan Kof Lalyans, ti annan zis sa de plak ros lalwa ki Moiz ti met ladan, lo montanny Horeb, kot SENYER ti fer en lalyans avek pep Izrael, apre ki zot ti'n sorti Lezip.

Levitik 16:12

I ava pran en lansanswar ranpli avek labrez sarbon sorti lo lotel ki devan SENYER, avek de ponnyen lansan anpoud pour brile e i ava anmenn lo lot kote rido.

Egzod 40:3

Ou ava met Kof Temwannyaz ladan e ou ava kouver li avek rido separasyon.

Egzod 26:33

Ou ava atas sa rido avek bann zagraf; anndan, deryer sa rido ou ava plas Kof temwannyaz. Sa rido ava en separasyon ant Lasal Sen ek Lasal Tre Sen.

Nonm 17:5

Sa zonm ki mon pou swazir, son baton pou fleri. Konmsa, mon ava fer ansort ki pep Izrael ava aret konplent kont ou.

Egzod 34:29

Moiz ti desann, sorti lo montanny Sinai. Ler i ti desann sorti lo montanny, sa de plak ros temwannyaz dan son lanmen, i pa ti remarke ki lapo son figir ki klate, akoz i ti pe koz avek Bondye.

Revelasyon 8:3

En lot lanz avek en lansanswar annor dan son lanmen, ti vin debout kot lotel. Zot ti donn li en kantite lansan pour ofer avek lapriyer pep Bondye, lo lotel annor devan tronn.

1 Rwa 8:21

Mon'n rezerv en plas la, pour Kof lalyans SENYER; sa lalyans ki i ti fer avek nou zanset ler i ti fer zot sorti Lezip.

1 Rwa 8:9

Dan Kof Lalyans, ti annan zis sa de plak ros ki Moiz ti met ladan depi montanny Horeb, kot SENYER ti fer lalyans avek pep Izrael, ler zot ti sorti Lezip.

1 Rwa 7:50

bann bol, bann tennywar, bann basen, pla pour lasann, brazye; tou ti annor pir; bann gon annor pour laport Lasal Tre Sen pour laport dan lantre tanp.

Nonm 17:8

Lannmen, kan Moiz ti antre dan Latant, baton Aaron pour tribi Levi ti'n bourzonnen; bouton ti'n sorti e ti'n fleri. I ti annan fri lamann mir lo la.

Egzod 39:35

Kof temwannyaz, son bann bar ek son kouvertir;

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 32:15

Moiz ti redesann, sorti lo montanny avek sa de plak ros lo ki bann komannman ti'n ganny grave, devan e deryer.

Egzod 37:25

Besalel ti fer lotel lansan avek dibwa akasya. I ti kare: 50 santimet longer, 50 santimet larzer e en met oter. Son bann kwen ti form en sel pyes avek lotel.

Deterononm 9:9

Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.

Deterononm 9:11

Apre 40 zour ek 40 nwit, SENYER ti donn mwan sa de plak ros, ki plak lalyans.

Revelasyon 11:19

Alor, Tanp Bondye dan lesyel ti ouver, e Kof Lalyans ti aparet dan son Tanp. Ti annan zekler, tapaz en bann lavwa, en seri loraz, tranblemandter ek gro lagrel.