Ebre 8:9 - Labib An Kreol Seselwa

⁹ I pa pou parey sa lalyans ki mon ti fer avek zot zanset, zour ki mon ti atrap zot lanmen, e fer zot sorti dan pei Lezip. Akoz zot pa ti fidel anver mon lalyans, mon pa ti pran ka avek zot, Senyer i deklare.

Ebre 8:9 交叉參考

Zeremi 31:32

I pa pou parey sa enn ki mon ti fer avek zot bann zanset, kan mon ti pran zot par lanmen, pour fer zot sorti Lezip. Zot pa'n respekte sa lalyans, menm si mon ti zot met, SENYER i deklare.

Galat 4:24

Sa zistwar i annan en sinifikasyon: Sa de fanm i reprezant de lalyans. Sa enn par Agar ki donn nesans zanfan pour lesklavaz i reprezant montanny Sinai.

Mark 8:23

Zezi ti atrap lanmen sa zonm e anmenn li an deor vilaz. I ti met lasaliv lo son lizye, poz lanmen lo li e demann li, “Eski ou war keksoz?”

Akt de Zapot 13:11

Aprezan, ekoute: Senyer pou poz lanmen lo ou. Ou pou vin aveg, ou pa pou war lalimyer soley pour en pe letan.” Deswit, Elimas ti santi en vwal pas lo son lizye. I ti war li dan fernwanr. I ti tat tate pour en dimoun atrap son lanmen e gid li.

Akt de Zapot 9:8

Sol ti lev debout e ouver lizye; me i pa ti war kler. Zot ti atrap son lanmen e kondwir li Damas.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Ezekyel 16:59

La sa ki Senyer BONDYE i deklare: Mon pou tret ou dapre sa ki ou merite. Ou pa'n respekte ou serman e ou'n kas lalyans.

Ezekyel 16:8

Mon ti repas la kot ou ti ete e mon ti get ou; ou ti'n ganny laz pour fer lanmour. Alor, mon ti kouver ou avek en bout mon lenz, akoz ou ti touni. Mon ti promet ou fidelite e fer en lalyans avek ou; ou ti vin pour mwan. Senyer BONDYE ki'n deklare.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Kantik Salomon 8:5

Lekel sa fanm ki pe vini sorti dan dezer, apiye lo son lanmoure? Mon ti revey ou anba pye ponm, la kot ou manman ti ansent ou; la kot i ti met ou omonn.

Psonm 105:43

Alor, i ti fer son pep sorti dan lazwa; son pep ki i ti'n swazir ti sant avek lazwa.

Psonm 78:57

Me parey zot zanset, zot ti pran move semen. Zot pa ti reste fidel; Bondye pa ti kapab kont lo zot.

Psonm 77:20

Par lanmen Moiz ek Aaron, ou'n gid ou pep parey en troupo.

Liv Zob 8:20

Bondye pa rezet en zonm drwat; i pa toler bann malfeter non pli!

Deterononm 29:25

Zot ava reponn: Sa ti akoz zot ti'n abandonn lalyans ki SENYER, Bondye zot zanset ti fer avek zot, ler i ti tir zot Lezip.

Deterononm 29:12

Ozordi, SENYER, ou Bondye pe antre dan en lalyans avek ou, ki SENYER, ou Bondye ti fer par en serman, ki SENYER, ou Bondye pe al fer avek ou, pour ki

Deterononm 29:1

La bann parol lalyans ki SENYER ti ordonn Moiz pour fer avek bann Izraelit dan pei Moab. Sa i an plis ki sa lalyans ki i ti fer avek zot lo montanny Horeb.

Egzod 34:10

SENYER ti dir Moiz, “Mon pou fer en lalyans. Devan tou lepep, mon pou fer bann gran mervey ki zanmen in ganny fer lo later antye e parmi tou bann nasyon. Tou lepep otour ou ava war travay SENYER; mon pou akonpli bann mervey avek ou.”

Zenez 19:16

Lot ti ezite. Alor, sa bann zonm ti atrap Lot, son fanm ek son de fiy par lebra e anmenn zot an deor lavil, akoz SENYER ti pran pitye pour li.

Ezai 41:13

Mwan menm SENYER ou Bondye ki tenir ou par ou lanmen drwat e dir ou: Pa bezwen per, mon la pour sekour ou.

Lamantasyon 4:16

SENYER li menm in dispers zot, i pou nepli get zot. Bann pret nepli ganny onore; bann ansyen nepli ganny respekte.

Ezai 51:18

Parmi tou bann zanfan ki i'n fer, napa personn pour gid li. Parmi tou bann zanfan ki i'n elve, napa enn ki pou atrap son lanmen.

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Akt de Zapot 7:36

Pour li fer bann Izraelit sorti Lezip, Moiz ti fer serten siny ek mirak dan sa pei, dan lanmer Rouz e pandan 40 an dan dezer.