Ebre 6:2 - Labib An Kreol Seselwa

² ensi ki lansennyman lo bann batenm, seremoni lenpozisyon lanmen, rezireksyon bann mor ek zizman definitif.

Ebre 6:2 交叉參考

Akt de Zapot 6:6

Zot ti prezant sa bann zonm devan bann zapot ki ti priy avek zot e enpoz lanmen lo zot.

Akt de Zapot 24:25

Me koman Pol ti konmans koz lo lazistis, kontrol lo ou prop lekor, e lo zizman ki devre arive, Feliks ti per. I ti dir li, “Ou kapab ale aprezan, kan mon ava annan letan, mon ava fer apel ou.”

Akt de Zapot 23:6

Pol ti remarke ki dan konsey ti annan serten ki ti dan group Farizyen e serten ti Sadiseen. Alor, i ti kriye devan zot, “Mon bann frer! Mon en Farizyen e mon bann paran ti osi Farizyen. Mon pe ganny zize la devan zot akoz mon espere ki bann mor pou resisite!”

Akt de Zapot 17:18

Serten filozof epikiryen e stoisyen ti vin diskit avek Pol. Serten ti demande, “Ki sa kozer pe rabase?” Lezot ti dir, “I paret ki i pe koz lo bann bondye etranze.” Zot ti dir sa, akoz Pol ti pe pres lo Zezi ek rezireksyon.

Akt de Zapot 16:33

Menm si ti tar dan lannwit, gardyen ti anmenn Pol ek Silas lav zot bann blesir. Deswit, li avek son fanmir antye, zot ti ganny batize.

Akt de Zapot 16:15

Lidi avek tou son fanmir, ti ganny batize. Apre, i ti envit nou kot li, “Si zot estimen ki mon vreman krwar dan Senyer, vin reste kot mwan.” I ti fors nou aksepte son lenvitasyon.

Akt de Zapot 10:47

Alor, Pyer ti dir, “Eski nou kapab refize batiz sa bann dimoun avek delo, alor ki zot in fini resevwar Lespri Sen parey nou?”

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Akt de Zapot 2:38

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Levanzil dapre Zan 1:33

Mwan menm mon pa ti konn li; me sa enn ki ti anvoy mwan batiz dan delo ti dir mwan: Sa enn ki ou ava war Lespri desann lo li, li menm ki pou batiz dan Lespri Sen.

Mark 16:16

Sa enn ki ava krwar e ki ava ganny batize, pou ganny sove. Me sa enn ki pa krwar, pou ganny kondannen.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Danyel 12:2

Bokou parmi bann ki pe dormi dan lapousyer later, pou leve: Serten pour lavi eternel; lezot pour laont e pour maler eternel.

Eklezyas 12:14

Akoz Bondye pou ziz tou keksoz ki nou'n fer, tou sa ki dan kasyet, byen ou mal.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

Ebre 11:35

Par lafwa, bann fanm ti resevwar vivan, zot fanmir ki ti'n mor. Lezot ti ganny tortire ziska lanmor. Zot ti refize ganny delivre pour zot kapab resisite pour en lavi meyer.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

2 Timote 2:18

Zot i'n ekart zot avek laverite, an dizan ki nou rezireksyon in fini pase. An fezan sa, zot pe met dout dan lafwa serten dimoun.

Kolosyen 2:12

Annefe, kan zot ti ganny batize, zot ti'n ganny met dan tonbo avek Kris. Zot in krwar dan pwisans Bondye ki'n resisit li dan pouvwar bann mor.

Filipyen 3:21

Par sa pwisans ki met tou keksoz anba son lotorite, i pou transform nou lekor feb pour fer li vin parey son lekor glorye.

1 Korentyen 12:13

Nou tou, Zwif oubyen non-Zwif, lesklav oubyen dimoun lib, nou'n ganny batize dan en sel Lespri, pour vin en sel lekor. Nou tou, nou'n bwar dan en sel Lespri.

1 Korentyen 10:2

Dan nyaz e dan lanmer, zot tou, zot i'n fer zot ganny batize pour Moiz.

Romen 2:16

Dapre Bonn Nouvel ki mon prese, sanmenm ki pou arive zour Bondye, par Zezi-Kri, ava ziz tou bann panse sekre ki dan leker dimoun.

Akt de Zapot 26:8

Zot ki la, akoz zot war li enposib pour krwar ki Bondye i resisit bann mor?

Akt de Zapot 24:21

Petet, pour sa parol ki mon ti prononse devan zot tou: Mon krwar dan rezireksyon bann mor, ki zot in anmenn mwan devan ou, pour mwan ganny zize.”

Akt de Zapot 24:15

Mon annan sa menm lesperans dan Bondye parey zot, ki tou dimoun, bon koman move, pour resisite.

Akt de Zapot 4:2

Zot ti byen ankoler akoz sa de zapot ti pe ansenny lafoul e anons zot ki Zezi ti'n resisite.

Levanzil dapre Zan 5:29

e zot pou sorti: Bann ki'n fer sa ki byen, pou resisite pour lavi; me bann ki'n fer sa ki mal, pou resisite pour resevwar kondannasyon.”

Levanzil dapre Lik 14:14

Alor, ou ava ere, akoz zot, zot pa kapab rekonpans ou. Annefe, ou ava ganny ou rekonpans zour rezireksyon bann zis.”

Levanzil dapre Lik 12:50

Mon pou resevwar en batenm e i en soufrans pour mwan ziska ki i arive.

Levanzil dapre Lik 11:38

Sa Farizyen ti byen etonnen kan i ti remarke ki Zezi pa ti lav son lanmen avan manze.

Levanzil dapre Lik 3:16

Alor, Zan ti reponn zot tou, “Mwan, mon batiz zot avek delo, me sa enn ki pe vini, i pli for ki mwan, e mon pa diny pour delarg lase son sandal. Li, i pou batiz zot avek Lespri Sen ek dife.

Mark 7:8

Zot met dekote komannman Bondye e zot obei bann tradisyon zonm.”

Mark 7:4

Kan zot ti sorti bazar, zot pa ti manze avan pirifye zot lekor. I annan ankor en kantite tradisyon ki zot obzerve tel ki: Lav bann lakoup, marmit ek bann pla.

Matye 3:14

Me Zan pa ti dakor. I ti dir li, “Mwan ki devre ganny batize par ou e se ou ki vin kot mwan?”

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Akt de Zapot 13:3

Alor, zot ti priye e zennen. Apre, bann zapot ti enpoz lanmen lo zot e les zot ale.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.