Ebre 2:9 - Labib An Kreol Seselwa

⁹ Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

Ebre 2:9 交叉參考

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.

Romen 5:18

Ensi, pese en sel zonm: Adan, in antrenn kondannasyon tou dimoun. Demenm, aksyon zis en sel zonm: Zezi-Kri, in liber tou dimoun dan zizman e fer zot viv.

Akt de Zapot 2:33

I'n ganny plase lo kote drwat Bondye e in resevwar Lespri Sen avek son Papa parey i ti'n promet li. Sa ki zot pe tande e war la, sanmenm sa Lespri ki i'n devers lo nou.

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

2 Korentyen 5:15

Si i'n mor pour tou dimoun, se pour ki bann vivan pa viv zis pour zot menm, me pour sa enn ki'n mor e ki'n resisite pour zot.

Ebre 10:5

Se pour sa rezon, kan Kris ti pe vin dan lemonn, i ti dir Bondye: Ou pa oule ni sakrifis, ni lofrann, me ou'n prepar en lekor pour mwan.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Levanzil dapre Zan 12:32

E mwan, kan mon pou ganny eleve par lao later, mon pou atir tou dimoun ver mwan.”

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

Ebre 8:3

Annefe, tou Gran-Pret i ganny etabli pour prezant bann lofrann ek bann sakrifis. Alor, i neseser ki li osi, i annan keksoz pour ofer.

1 Timote 2:6

ki'n donn son lavi pour liber tou bann imen. Dan letan fikse, in anmenn laprev ki Bondye i oule ki tou bann imen i ganny sove.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

Akt de Zapot 3:13

Bondye Abrahanm, Izaak ek Zakob, Bondye tou nou bann zanset, in montre mazeste son serviter Zezi-Kri, ki zot ti livre avek lotorite, e renye devan Pilat, ki pourtan ti'n deside larg li.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Levanzil dapre Zan 10:17

Mon Papa i kontan mwan akoz mon donn mon lavi pour mwan kapab reganny li ankor.

Levanzil dapre Zan 8:52

Alor bann Zwif ti dir li, “Aprezan, nou asire ki ou posede par en demon. Abrahanm in mor, bann profet in mor, e ou, ou dir: Sa enn ki obei mon parol pa pou zanmen mor.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Revelasyon 19:12

Son lizye i parey en laflanm dife, e lo son latet ti annan plizyer kouronn. Lo li, en non in ganny ekri, ki personn pa konnen, eksepte li menm.

Ebre 2:7

Ou'n abes li pli ba ki bann lanz pour en pti pe letan. Ou'n kouronn li avek laglwar ek loner.

Levanzil dapre Lik 9:27

Mon dir zot, sa i laverite: I annan parmi zot isi ki pa pou mor avan zot war Rwayonm Bondye.”

Mark 9:1

Zezi ti dir zot, “Mon dir zot, sa i laverite: I annan parmi zot isi, ki pa pou mor, avan ki zot war Rwayonm Bondye vini avek pwisans.”

Matye 6:28

E akoz zot bezwen trakase lo size lenz? Gete ki mannyer bann lis dan laplenn i pouse. Zot pa ni travay, ni fer latwal.

Ezai 11:1

En bourzon ava sorti dan tron Zese, en brans ava sorti dan son rasin.

Levanzil dapre Zan 8:51

Mon dir zot, sa i laverite: Sa enn ki obei mon parol, pa pou zanmen mor.”

Ebre 1:9

Ou kontan lazistis, e ou deteste lemal. Pour sa rezon, Bondye, ou Bondye in konsakre ou avek en delwil lazwa, e i'n fer ou pli gran ki ou bann zanmi avek ou.

Ebre 11:5

Par lafwa, Henok ti ganny anleve pour li pa pas par lanmor. Personn pa ti revwar li, akoz Bondye ti'n pran li. Avan sa, i ti'n ganny rekonnet koman enn ki ti fer plezir Bondye.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.