Deterononm 4:30 - Labib An Kreol Seselwa

³⁰ Plitar, kan ou pou dan detres, kan tou sa ki mon'n anonse ava'n arive, ou ava retourn ver SENYER, ou Bondye e ou ava son lavwa.

Deterononm 4:30 交叉參考

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Zeremi 23:20

Sa lakoler SENYER pa pou arete ziska ki SENYER in akonpli tou sa ki i ti annan lentansyon fer. Plitar, zot ava konpran tousala.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Ezai 1:19

Si zot aksepte obeir mwan, zot ava manz bann pli bon prodwi dan sa pei.

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.

Zenez 49:1

Zakob ti apel son bann garson. I ti dir zot: Rasanble zot otour mwan pour mwan anons zot sa ki pou ariv zot dan lavenir:

Nonm 24:20

Dan son vizyon, Balaanm ti war bann Amalesit. I ti fer son prediksyon: Amalek i nasyon pli pwisan. Me finalman, i pou ganny detri.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

Zakari 6:15

Dimoun ki reste lwen, pou vin ede dan konstriksyon tanp SENYER. Konmsa, ou ava konnen ki SENYER liniver ki'n anvoy mwan kot zot. Tousala pou arive si ou vreman obei SENYER ou Bondye.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Lamantasyon 3:40

Annou get byen nou mannyer viv e retourn ver SENYER.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 30:10

si ou obei SENYER, ou Bondye e obzerv son bann komannman ek lalwa ki'n ganny ekri dan sa liv; si ou retourn ver SENYER, ou Bondye avek tou ou leker e tou ou et.

Egzod 18:8

Moiz ti rakont son boper tou sa ki SENYER ti fer avek Faraon ek bann Ezipsyen akoz pep Izrael. I ti rakont li osi tou bann difikilte ki i ti'n pas ladan dan semen e ki mannyer SENYER ti'n delivre zot.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Deterononm 30:2

si ou retourn ver SENYER, ou Bondye, ou, avek ou bann zanfan, e obei li avek ou leker, avek ou et antye, egzakteman parey mon pe ordonn ou ozordi,

Deterononm 31:21

Ler en kantite maler terib pou tonm lo zot, sa kantik ava servi koman en temwen pour akiz zot, akoz zot bann desandan pa pou zanmen oubliye. Annefe, avan menm ki mon anmenn zot dan sa pei ki mon'n promet zot par serman, mon konnen deza sa ki zot pe prepare pour fer.

Psonm 18:6

Dan mon detres, mon ti apel SENYER; mon ti kriy ver mon Bondye pour son led. Depi son tanp, i ti antann mon lavwa, e i ti antann mon lapel.

Psonm 59:16

Mwan, mon pou proklanm ou lafors. Tou le bomaten, mon pou kriy byen for ou fidelite. Ou en protekter pour mwan; ou en labri dan letan mon maler.

Psonm 107:6

Dan zot detres, zot ti kriy ver SENYER e i ti delivre zot dan zot langwas.

Psonm 107:13

Dan zot detres, zot ti kriy ver SENYER e i ti delivre zot dan zot langwas.

Zeremi 4:1

La sa ki SENYER i deklare: Izrael! Si ou retournen, kot mwan ki ou devre retournen. Si ou tir devan mwan sa bann fo bondye degoutan, ou pou nepli bezwen viv koman en vagabon.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.