Deterononm 33:29 - Labib An Kreol Seselwa

²⁹ Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

Deterononm 33:29 交叉參考

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

2 Samyel 7:23

Lekel nasyon lo later ki parey Izrael, ou pep, ki bann bondye in sove pour fer en pep pour zot, e donn li en non? Ou'n akonpli bann mervey pour zot; ou'n akonpli bann keksoz terib pour ou pei devan ou pep ki ou ti fer sorti Lezip; ou'n liber li avek bann nasyon ek zot bann bondye pour fer li vin ou pep.

Habakouk 3:19

BONDYE i mon Senyer, li menm mon lafors: I rann mon lipye parey lipye gazel; i fer mwan taye e sote lo bann oter. Pour sef lakoral: Avek bann lenstriman lakord.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 33:20

Nou'n met nou lespwar dan SENYER. Li menm ki nou lafors e nou protekter.

Psonm 18:44

De ki zot antann mon lavwa, zot obei. Bann etranze i vin flat mwan.

Deterononm 32:13

I ti plas li lo oter pei e fer li manz prodwi pei. I ti fer li manz dimyel sorti dan ros avek delwil sorti dan ros granit;

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Revelasyon 19:21

Leres ti ganny touye par lepe ki ti sorti dan labous sa enn ki ti pe mont sa seval. Bann zwazo ti manz tou zot laser ziska ki zot ti rasazye.

Revelasyon 1:16

Dan son lanmen drwat ti annan set zetwal. En lepe ki koup de kote ti sorti dan son labous e son figir ti koman soley midi, ler i pe tap avek tou son larder.

1 Timote 4:10

Annefe, nou travay, e nou lite akoz nou'n plas nou lespwar dan en Bondye ki vivan, Sover pour tou dimoun, sirtou pour bann krwayan.

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Ezai 27:1

Sa zour, avek son gran lepe byen fite, dir e pwisan, SENYER pou entervenir kont Leviatan, sa serpan ki anvole; Leviatan, sa serpan rize. I pou touy sa dragon ki reste dan lanmer.

Psonm 144:15

I byennere sa pep ki annan tousala! I byennere sa pep pour ki Bondye i SENYER!

Psonm 45:3

Brav gerye! Atas ou lepe lo ou kote! Sa i fer ou grander ek ou loner.

Psonm 33:12

I byennere sa nasyon ki annan SENYER koman son Bondye! I byennere sa pep ki SENYER in swazi pour son patrimwann!

Psonm 7:12

Lennmi i rekonmanse, i fit son lepe. I redi son lark e met li pare.

Nonm 24:5

Zakob! Ou bann latant, Ou bann abitasyon ek ou demer i zoli, Izrael!

Zeremi 47:6

Zot kriye: Kan eski lepe SENYER pour pran en pe repo? In ler pour li antre dan son fouro, reste trankil e fer silans.

Psonm 81:15

Sa bann ki ay mwan ti pou vin flat mwan e Izrael ti ava viv anpe pour touzour.

2 Samyel 22:45

De ki zot antann mon lavwa, zot obei. Bann etranze i vin flat mwan.

Ziz 7:20

Sa trwa group ti soufle tronpet e kas zot gran potao. Zot ti tenir zot tors dan lanmen gos e tronpet dan lanmen drwat. Zot ti kriye, “Lepe pour SENYER e pour Zedeon.”

Nonm 33:52

zot ava sas tou bann zabitan sa pei, detri tou zot bann fo bondye an pyer oubyen an feray e tou zot landrwa sakre.

Deterononm 4:32

Mazin letan pase, byen lontan avan ou, depi ki ou Bondye ti kree limanite lo later. Poz sa bann kestyon lo sa ki'n arive partou lo later: Eski en si gran levennman in deza arive? Eski en keksoz parey in deza ganny rakonte?

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

2 Kronik 31:8

Ler Ezekyas ek bann sef ti vini e war sa bann don, zot ti loue SENYER, e remersye pep Izrael.

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 32:1

Byennere bann ki zot fot i ganny pardonnen, e bann ki zot pese i ganny oubliye!

Psonm 32:2

Zot byennere bann ki SENYER i konsider inosan e ki napa okenn lespri tronper!

Psonm 68:34

Proklanmen ki Bondye i pwisan; i gouvern Izrael; i montre son pwisans dan lesyel.

Ezai 58:14

alor, ou pou trouv lazwa dan SENYER, e mon pou fer ou vwayaz an triyonf; mon pou nouri ou avek patrimwann ou zanset Zakob. Labous SENYER ki'n koze.

Oze 13:9

Izrael! Mon pou detri ou, lekel ki pou delivre ou?

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.

Psonm 18:45

Bann etranze i perdi kouraz. Zot sorti an tranblan dan zot landrwa kasyet.

Ezai 33:16

Sa dimoun pou viv lo oter. I pou viv an sekirite dan kavern ros. Son dipen pou touzour la; son delo pou touzour la.