Deterononm 33:25 - Labib An Kreol Seselwa

²⁵ Ou annan bann baro an fer e an bronz. I ava an sekirite tou son lavi.

Deterononm 33:25 交叉參考

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Filipyen 4:13

Mon kapab fer fas avek tou difikilte gras a Kris ki donn mwan lafors.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

Ezai 40:29

I donn lafors sa enn ki fatige e kouraz sa enn ki'n randi.

Psonm 138:3

Letan mon ti apel ou, ou ti reponn mwan; ou ti donn mwan plis kouraz.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Efezyen 6:10

Anfen, pran ou lafors dan linyon avek Senyer e dan son gran pwisans.

Deterononm 32:47

Annefe, sa pa bann parol vid, me i zot lavi; par sa bann parol, zot ava viv lontan dan pei ki zot pe al pran posesyon, apre ki zot ava'n travers larivyer Zourden.

Deterononm 8:9

I en pei kot ou ava kapab manze san bezwen priv ou, laba, kot ou pa pou mank nanryen. Dan sa pei, i annan bokou fer dan bann ros e ou ava kapab tir kwiv dan son bann kolin.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

Levanzil dapre Lik 15:22

Me son papa ti dir bann serviter: Depese, anmenn pli zoli rob pour met li. Met en bag dan son ledwa e met li son sandal dan son lipye.

Efezyen 6:15

met koman soulye, lelan pour anons Bonn Nouvel lape.

Zenez 49:20

Aser pou annan manze annabondans; i pou prodwir bon manze pour lerwa.

Psonm 147:13

I ranforsi serir ou bann laport; i beni ou bann zanfan.

Zozye 14:11

Pourtan, mon ankor osi for ki zour Moiz ti anvoy mwan. Mon annan menm lafors ozordi, ki mon ti annan dan konba, oubyen pour fer tou lezot aktivite.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.