Deterononm 33:12 - Labib An Kreol Seselwa

¹² La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

Deterononm 33:12 交叉參考

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Ezai 51:16

Mon'n met mon bann parol dan ou labous e kasyet ou anba lonbraz mon lanmen; mon'n tal lesyel e met bann fondasyon later; mon'n dir avek Siyon: Ou menm mon pep.

Ezai 37:35

Mon pou defann sa lavil pour mwan sov li, pour mon prop loner e akoz mon serviter David.

Ezai 37:22

la parol ki SENYER in prononse kont li: Lavil Siyon i mepriz ou, i ensilte ou. Zerizalenm i ridikiliz ou deryer ou ledo.

2 Kronik 11:1

Kan Roboanm ti ariv Zerizalenm, i ti rasanble pep Zida ek tribi Benzamen: 180,000 meyer gerye, pour al lager kont rwayonm Izrael, pour li retourn rwayonm Roboanm anba son kontrol.

1 Rwa 12:21

Kan Roboanm ti ariv Zerizalenm, i ti rasanble tou pep Zida ek tribi Benzamen: 180,000 meyer gerye pour lager kont rwayonm Izrael, pour li retourn, rwayonm Roboanm garson Salomon, anba son kontrol.

Deterononm 12:10

Kan zot ava travers larivyer Zourden e viv dan pei ki SENYER, zot Bondye pou donn zot, i ava gard zot anpe avek zot bann lennmi ki otour zot e zot ava viv an sekirite.

Psonm 132:14

I ti deklare: Mon pou reste la pour touzour; lanmenm la kot mon pou reste, akoz mon'n deside.

Ziz 1:21

Me bann Benzamit pa ti kapab sas bann Zebizit ki ti pe reste Zerizalenm. Pour sa rezon ki ziska ozordi, bann Zebizit in reste Zerizalenm avek bann Benzamit.

Egzod 28:12

Ou ava plas sa de pyer presye lo zepolet lefod koman en memoryal an faver bann garson Izrael. Konmsa, Aaron ava anmenn zot non devan SENYER lo son de zepol, koman en memoryal.

Nonm 34:21

Pour tribi Benzamen: Elidad, garson Kislonn.

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Deterononm 32:11

parey en leg ki vey lo son nik, e anvole par lao son bann piti. I depliy son lezel, pran zot e anmenn zot anba son proteksyon.

Deterononm 33:11

SENYER! Beni son kouraz e aksepte travay son lanmen. Kas leren son bann ladverser, ek sa bann ki ay li, pour ki zot pa lev ankor.

Psonm 60:5

Par ou pwisans, donn nou laviktwar; reponn nou e delivre bann ki ou kontan.

1 Samyel 10:20

Samyel ti prezant tou bann tribi Izrael e tribi Benzamen ti ganny swazir par tiraz osor.

2 Samyel 12:24

David ti al konsol son fanm, Batseba, e i ti dormi avek li. Batseba ti ganny en garson ki David ti apel Salomon. SENYER ti kontan li.

2 Samyel 12:25

Par lentermedyer profet Natan, i ti apel sa zanfan Yedidya, akoz SENYER i kontan li.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.