Deterononm 28:62 - Labib An Kreol Seselwa

⁶² Otrefwa, ou ti en nasyon nonbre parey bann zetwal dan lesyel. Me akoz ou pa'n obei SENYER, ou Bondye, i pou reste zis en pti pwannyen zot.

Deterononm 28:62 交叉參考

Nehemi 9:23

Ou ti ogmant zot desandan parey zetwal dan lesyel; ou ti anmenn zot dan sa pei ki ou ti dir zot bann zanset antre pour pran posesyon.

Deterononm 10:22

Ti annan zis 70 parmi zot bann zanset ki ti desann Lezip. Me ozordi, SENYER, Bondye in fer zot vin osi nonbre ki bann zetwal dan lesyel.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.

Mark 13:20

Si Senyer pa ti'n rakoursi sa bann zour, personn pa ti pou ganny sove. Me in rakoursi sa bann zour, akoz bann ki i'n swazir.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Ezai 24:6

Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Nehemi 7:4

Lavil ti larz avek bokou lespas, me ti napa bokou zabitan e zot pa ti'n ankor konstri bann lakaz.

2 Rwa 24:14

I ti deport tou bann zabitan Zerizalenm, tou bann elit ek tou bann vayan gerye. An tou 10,000 egzile, san kont tou bann artizan ek bann ki fer serir; ti reste zis bann pli pov dan pei.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

2 Rwa 13:7

Yoakaz pa ti annan plis ki 50 kavalye, 10 kales lager, 10,000 zonm apye, akoz lerwa Lasiri ti'n detri tou son larme. I ti'n tret zot parey lapousyer anba lipye.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Deterononm 1:10

SENYER, zot Bondye in ogmant zot pep, e ozordi, zot in vin osi nonbre ki zetwal dan lesyel.

Deterononm 1:11

Mon swete ki SENYER, Bondye zot zanset, ava ogmant zot mil fwa plis e ki i ava beni zot, parey in promet zot!

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Amos 5:3

Annefe, la sa ki Senyer BONDYE i deklare: En lavil ki anvoy 1,000 zonm dan lager, zis 100 ki pou retournen. Lo 100 gerye ki al lager, zis 10 ki pou retournen, pour Izrael.